06.11.2019ж. Шымкент қалалық арнайы кітапханада «Жүректерді тербетеді ән мен жыр» атты шығармашылық кеш өтті. Кеште әсем әндер мен тәтті жырлар оқырман жүрегіне тарту етілді. Мүгедектерді сауықтыру айлығында өткен іс-шарада Халықтар достығы университетінің бір топ талантты жастары Батырбай Арайлым, Әмзе Камила, Әмзе Нурила, Ақылбекова Арайлым, Ақылбекова Нұрайлым өнер көрсетіп, көрермендерді қуанышқа бөледі. Сонымен қатар, кітапхана қызметкері Ақберен Жолдасбек әке туралы ән мен өнегелі өлеңін шалқыта орындады. Шығармашылық кешке арнайы кітапхана оқырмандарымен қатар № 8 арнаулы әлеуметтік қызметтер көрсету орталығының демалушылары қатысты. Кеште кітапхана оқырманы, белсенді азамат Аширов Әсет Назарұлының 63 жасқа толған туған күніне оқырмандар ақ тілек, жылы лебізін жолдады

.

Шымкент қалалық көзі көрмейтін және әлсіз көретін азаматтарға арналған арнайы кітапханада сауықтыру айлығының кезекті сәрсенбісі 23. 10. 2019 жылы Елбасы Н.Ә.Назарбаевтың «Рухани жаңғыру-болашаққа бағдар» мақаласының «Туған жер» бағдарламасы аясында «Ән көңілдің ажары» атты мерекелік кездесу кеші өтті. Кездесу кеші «Мақтаарал» мәдениет үйі директорының орынбасары, әнші Саруарова Айгүл Бейсебайқызына арналды.

Шымкент қалалық көзі көрмейтін және әлсіз көретін азаматтарға арналған арнайы кітапхананың оқу залында 28 тамыз күні кезекті сәрсенбіде 30 тамыз- ҚР-ның Конституция күніне орай «Ата заңның айбары асқақтайды» атты іс-шарасы өтті.

Қазақстан Республикасының Конституциясы – Қазақстанның Ата заңы болып табылады. Конституция елбасының басшылығымен 1995 жылы 30 тамыз күні жалпыхалықтық  дауыс беру арқылы қабылданды. Конституция 9 тараудан  98 баптан тұрады. Адам  мен азаматтың конституциялық мәртебесін белгілейтін құжат. Тәуелсіздігіміздің тірегі, азаматтығымыздың айқын айғағы – Конституция күнімен шын жүректен құттықтап, әндер шырқалды. Кітап көрмесі ұйымдастырылды.

Шымкент қалалық көзі көрмейтін және әлсіз көретін азаматтарға арналған арнайы кітапханада оқырмандар арасында 6 шілде - Астана күніне арналған «Нұр- Сұлтан - арман қала» атты іс-шара өтті. Келген оқырмандарға Астана күнін мемлекеттік мереке деп жариялаудың тарихи, танымдық, тәрбиелік тұрғыдан мәні айрықша зор екендігі айтылды. Бұлай дейтін себебіміз, елорданы Алматыдан Ақмолаға ауыстыру – бұл қазақтың өз билігі өзінің қолына тигеннен кейін ұлттың болмыс – бітімін сақтап, мемлекеттің келешегін кемелдету мақсатында «он ойланып, тоғыз толғанып» барып қабылданған тарихи шешім болды.

Шымкент қалалық көзі көрмейтін және әлсіз көретін азаматтарға арналған арнайы кітапханада 19-маусым күні «Халықаралық Алаш» әдеби сыйлығының, «Парасат» орденінің, «Саттар Ерубаев» атындағы сыйлықтың және «Тіл жанашыры» құрмет белгісінің иегері ақын Ханбибі Есенқарақызының 70 жылдық мерейтойына арналған «Озық ойлы, шыншыл жан» атты әдеби-сазды кездесу кеші өтті. «Қанат қақты», «Бұлттсыз аспан», «Жұлдызым», «Жан гүлім», «Жан айқайы», «Жыр», «Сыр» т.б. кітаптардың авторы Х.Есенқарақызымен сыр-сұхбат, кездесу кеші жоғары деңгейде өтті. Кешті кітапхана қызметкері, ақын Ербек Бакиев жүргізді. Кеш барысында Хан апамыз кеш жүргізушісі мен оқырмандар тарапынан қойылған сұрақтарға жауап беріп, өзінің әсерлі, тағылымды әңгімелерімен көпшіліктің көңіліне жылулық сыйлады.