|
«Дүниенің бедерін жүрегіммен сеземін» (Жылдың белсенді оқырмандарын атаулы сыйлықтармен марапаттау) «Жан сезім» (Зағип ақын және композитор Р. Тайровтың шығармашылық кеші) |
|
«Дүниенің бедерін жүрегіммен сеземін»
(Жылдың белсенді оқырмандарын атаулы
сыйлықтармен марапаттау)
«Жан сезім»
(Зағип ақын және композитор Р. Тайровтың
шығармашылық кеші)
Кітапханамызда жылда өтетін сауықтыру айлығы бұл жолы ерекше аяқтағымыз келді. Өйткені облысымызда зағип оқырмандар арасында өз өмірін өнерге арнаған азаматтар баршылық. Біраздан бері жұртқа өзінің тартымды әндерімен Тайров Рүстем Кенжеұлы танымал болып жүр. Бұл жігіт қоңыр баритонымен көпшілікті демде баурап алған сыңайлы. Сондықтан да бүгінгі қорытынды кешімізді осы азаматпен кездесуге ұйғардық. Әдеттегідей тифло залында үлкенді-кішілі оқырмандар көп жиналды. Жүргізуші жұртшылықты бүгінгі өтетін кездесудің ретімен таныстырып өткен соң алғашқы сөз кітапхана директоры Нұрманбетов Бәкір Әбдіұлына берілді. Өз тарапынан басшы жиналған қауымға алғыс білдіріп алдағы уақытта тек қана жақсылықта кездесуді тіледі. Кітапханашы Л. Абжаппарова бүгінгі кештің қонағы Р. Тайровтың қысқаша өмірбаянына тоқталып, әншінің өнер жолын баяндап берді. Р.Тайров алғашқы әнін «Шымкентім - шырайлым» әнімен бастады. Одан әрі жыл бойы кітапхананың қоғамдық өміріне белсенді қатысқан және жұртшылықтың көзіне ерекше түскен бірқатар оқырмандарды марапаттау рәсімі басталды. Отыздан астам оқырмандарға атаулы сыйлықтар берілді.
Олар «Саусағымның ұшымен терген қазынам», «Дыбысталған кітабым, жанымдағы сырласым», «Белсенді оқырман». Сондай-ақ келген қонақтың әндерінің арасында сауықтыру айлығында болып өткен байқаулардың да нәтижелері айтылып, қатысқан оқырмандардың орындары көрсетілді.
Олар «Жылдам оқу және жылдам жазу» байқауынан озып шыққан І-орын Қазығұрт ауданының оқырманы Жолдасбеков Бердібек (3000т), ІІ-орын иегері Шымкенттік Тайтелеева Ақжүніс (2000т), ІІІ-орын Темирова Гүлмира (1000т).
«Компьютер білесің бе?» байқауның жүлдегерлері: І-орын Құлахмедов Абдуалим (3000т), ІІ-орын Айнакулов Жарылқасын (2000т), ІІІ-орын Адилбеков Ербол (1000т).
«Қолөнер - 2014» байқауының жүлдегерлері: І-орын Мухамадаминова Набира (5000т), ІІ-орын Попенко Петр Ильич (3000т), ІІІ-орын Болдина Яна Георгиевна (2000т) алды.
Осындай жанға жағымды қуанышты сәттер Рүстемнің тамаша әндерімен боялып, жұртшылықтың көңілін бір көтеріп тастағандай. Айтылған әндердің қарапайымдылығы, қазақылығымен жүрекке жағымдылығы тыңдармандарды әп-сәтте баурап алып отырды. Айтылған әндердің тақырыбына келсек олар: «Қадір түні», «Ақ құсым»,
«Аналарға арнау», «Іздеме», «Сүйдім өзіңді», «Тырналар», «Жан сезім», «Туған жер», «Қазақстан - Нұрсұлтан», «Қоштасудың қиыны-ай».Халқымыз ән көңілдің ажары деп бекерден-бекер айтпайды ғой. Әрқашан да осындай әндер барлығымыздың жүрегімізге сенім мен сезім ұялатсын достар!
Сілтемені қараңыз https://www.youtube.com/watch?v=rC6yQ_FG5KY
(Катишев Сабит – ОҚО арнайы кітапханасының тифлобөлімінің меңгерушісі)
|
|
Заңгер Масадыкова Зухрамен кездесу (Заң кеңестері) |
|
Заңгер Масадыкова Зухрамен кездесу
(Заң кеңестері)
Кітапханамыздың дәстүр бойынша 1-ші қазаннан 13-ші қараша аралығында сауықтыру айлығын өткізіп отырамыз. Бұл мерзімде бірқатар үздіксіз іс-шаралар өткізіледі. Зағип жандарды толғандыратын әр түрлі мәселелерді қамтимыз. Соның бірі заң төңірегінде болып отыр. ОҚО қорғаушылар алқасымен келісіп заңгер З. Масадыкованы шақырдық.
Оқу залына үлкенді – кішілі оқырмандарымыз жиналып өз сұрақтарын дайындап отырғаны көрініп тұрды. Жүргізуші Е. Адилбеков келген қонақпен таныстыруды жөн көрді. Заңгер оқырмандарға өзінін қысқаша өмірбаянын айтып берген соң, алдындағы қойылған бірқатар оқырмандардың сұрақтарына жауап бере бастады. Оқырмандарға алдын ала осы кездесу туралы хабарланған соң Қазығұрт, Сарыағаш аудандарынан да сұрақтар келіпті. I топтағы көз мүгедегі Құлахметов Абдіәлім келесі сұрақ қойды: «Елбасының жолдауы бойынша қазір мүгедектер жұмыспен қамтылуы тиіс, осыған байланысты үш пайыздық мүгедектерді жұмыспен қамту жайында не дейсіз және жұмысқа сұранған мүгедектерді кейде қабылдамай жатады осыған қандай жауабыңыз бар?» Заңгер өз тарапынан бұл сауалға былай жауап берді: «2005 жылдың 13 сәуірінде қабылданған әлеуметтік қорғау жөніндегі заңға сәйкес әрбір мүмкіндігі шектеулі азамат қабілеті болса жұмыс істеуге құқылы, сондықтан үкіметтің қаулысы бойынша әрбір мекеме өз құрамында үш пайыз мүгедек жандарды жұмысқа алуға тиісті. Өкінішке қарай кейбір жағдайда көптеген басшылар азаматтардың мүмкіндігінің шектеулігін алға қойып оларды жұмысқа алудан бас тартып жатады. Әрбір азамат өз құқығын білсе оған ешкім қарсы тұра алмайтыны хақ. Мүгедектер жұмыс істей алмайды деген еш жерде заң жоқ» - деп аяқтады өз жауабын Зухра ханым.
Жиналған қауым келген заңгерге әр түрлі саладан сұрақтарды қойып жатты. Біреулері шенеуніктерге өкпе білдіріп жатса, біреулері несие мәселесін немесе қарыз беріп қарыз алу мәселесін қозғап жатты. Кейбір оқырмандар жеке басты мәселесіне байланысты сұрақтарды қойып жатты. Жүргізуші сұрақ – жауап арасында келген қонақты осындағы жиналған зағип жандардың сұрақтарына тереңірек жауап беруіне өтініш білдіріп отырды. Мысалы І топтағы көз мүгедегі С.Катишев зағиптардың қол қою мәселесін алға қойды. Осы қиындық зағип азаматтардың нотариустарға, банктерге барған жағдайда әрдайым алдынан шығады да тұрады, сондықтанда осы мәселені қалай шешуге болады деп заңгерден кеңес сұрады. Заңгер өз тарапынан бұл оқырманға әділет департаменті мен әлеуметтік қорғау министрлігіне шығуды ұсынды. Одан әрі келген қонақ мүгедектерді қайбір мәселе толғандырса мұндай кісілер Оңтүстік Қазақстан облыстық адвокаттар алқасына келіп, сол жердегі заңгерлерден тегін кеңес ала алады және сол жерде өзіне қажетті арыз, өтініштерді тиісті мамандар жазып береді деп келушілерді бір қуантып қойды. Осындай сұрақ – жауаптар кезінде белгіленген уақыттың қалай тез бітіп қалғанында байқамай қалдық. Іс-шара соңында бөлім меңгерушісі С.Катишев келген қонаққа баршаның атынан алғыс білдіріп алдағы уақытта осындай кездесулердің болып тұратындығына сенім білдіріп, шағын сыйлық тапсырды. Кездесу қызықты да тартымды өтті.
(ОҚО арнайы кітапханасының қызмет тифлобөлімі)
|
|
|
«Дуэттер шеруі» (Кітапханашы мен оқырманның өнер бірлестігі) |
|
«Дуэттер шеруі»
(Кітапханашы мен оқырманның өнер бірлестігі)
Өтетін уақыты: 5 қараша, сағ 11-00.
Іс-шараның мақсаты: оқырман мен кітапханашының байланысын нығайту, күшейту.
Кітапханамызда 13-ші қараша дүниежүзілік зағиптар күніне арналған бір қатар іс-шараларды өткізу, бүгінгі күнде дәстүрге айналды. Мұндай іс-шаралар жан-жақты тартымды және қызықты өтуге тиіс. Осындай іс-шаралардың бірі «Дуэттер шеруі». Іс-шараның басты мақсаты оқырман мен кітапханашының байланысын нығайту, күшейту болып келеді. Бұл бастама барша жұртшылықты қызықтырып, өзара кімнің бірінші жүлдеге ие болатындығынан гүбір-гүбір әңгімелер жүріп жатты. Әр бір жұп кітапханашы және оқырманнан құралады. Оқырман қауымына қатысушылардың барлығы таныс болғандықтан, әр жұптың өз жанкүйерлері де табылып жатты. Бұл жоба алғашқы болғандықтан, дұрыс жерлері де, бұрыс жерлері де көп болған шығар. Жобаның бас шарты бойынша, әр бір жұп кітапханашы және оқырманнан тұру керек болатын. Әр жұптың өзіндік тартымдылығы, ерекшеліктерімен ән айту қасиеті және тағы басқа көп қасиеттерімен көзге түсті. Жүргізуші бұл сайыс емес, бұл кітапханашы мен оқырманның музыка тіліндегі сұхбаты деп біліңіз деп ескертті. Олай болса, кімнің аламан бәйге аларын, кімнің алар төрелігін әділ-қазылар құзырына берілді. Әділ-қазылар құрамына келесі кісілер шақырылды: «Үміт» мектеп-интернатының музыкалық жетекшісі - Шілтерханова Т., кітапхана дыбыс режиссері - Рустембеков Р., кітапхана бөлім меңгерушісі - Туранбаева У. Бір қуантарлық жағдай қатысушылардың біразы облысымыздың, Қазығұрт, Ордабасы, Бәйдібек аудандарынан Шымкент, Сарыағаш қаласынан келді. Сахнаға шыққан өнерпаздардан өздерінің шын ынтасымен және табандылықпен дайындалғаны көрініп тұрды. Қоңыр күздің тұмырайған ауа райына қарамастан айтылған әндердің барлығы дерлік лирика тақырыбына ұштасып жатты. Бір жұп өткен кездер жайлы ән айтса, екінші жұп бір-бірін қимайтындығын айтып қоштасып жатты. Әр жұптың айтылған әнінен соң, сол жұптың жанкүйерлері шапалақ ұрып өздерінің симпатиясын жарайсың деген ұрандарымен білдіріп жатты. Әдеттегідей уақыт шіркін осылай сырғып жатты. Әп сәтте сегізінші жұптың кезегі келіп, сайыс өз мәресіне жетті. Әділ-қазылар қатысушыларға үкім шығарғанша Сарыағаш қаласынан келген 1-топтағы көз мүгедегі Сейдазимова Д. өзінің әуелеген әнімен жиналған ағайынды қазақтың жусан иісі бұрқыраған кең даласына әкеткендей етіп, әр-бір көрерменнің бойын шымырлата түсті. Облысқа белгілі әнші Тайыров Р. өзінің көңілді әндерімен көрермендердің көңілін бір серпілтіп тастады. Соңында әділ-қазылар өз төрелігімен ынталандыру сыйлықтарынан басқа, 3-ші орынды 1-ші топ көз мүгедегі Төребай Нұржанға берсе, 2-ші орынды 1-ші топ көз мүгедегі Тайтелеева Ақжүніске берді. Ал бас жүлдені қанжығасына байлаған 1-ші топ көз мүгедегі жас әнші Смандияр Айнұрға бұйырыпты. Менімше алға қойылған басты мақсат орындалған сияқты, өйткені әр-бір оқырман мен кітапханашының жұптары бір-бірінен озып өзара тамаша рухани байланыс орнаған іспетті.
|
|
«Да будет светлой наша память» (К 70-летию Победы ВОВ) |
|
Празднование 9 Мая – особенное событие для каждой семьи. Эта дата в календаре остается напоминанием о Великой Победе в самой страшной войне в истории человечества.
В преддверии 70-летия Победы 13 мая 2014 года прошел видео-мост «Да будет светлой наша память…», в котором приняли участие читатели специальных библиотек – участники Великой Отечественной войны, труженики тыла и дети войны. Видео-мост был задуман как часть Военно-исторической эстафеты «Победы славной торжество» Курской библиотекой слепых имени В.С.Алехина. Мы горды тем, что были включены в программу проведения моста, так как нам тоже было о чем поведать миру и показать своих героев.
Выступление начал Катишев Сабит Полатович, заведующий отделом тифлологии. Он рассказал, что в Южно-Казахстанской области осталось 550 ветеранов ВОВ и около 25 тысяч тружеников тыла. Из Южного Казахстана на фронт было призвано и отправлено 144 тысячи человек, почти половина из них домой не вернулась. Под звуки военной музыки слово предоставили одному из приглашенных ветеранов – Бабаеву Алтынбаю Бабаевичу, инвалиду ВОВ, почетному гражданину г.Шымкента. Для ветерана это выступление – вновь бередящее раны событие. Прошло 69 лет, а воспоминания так свежи в памяти, что мы невольно стали сами участниками тех лет. Алтынбай Бабаевич очень волновался. Он сказал, что когда шли в бой под Курском, так не боялись, как сейчас, спустя много лет, рассказывать о прошлом. Затем слово было предоставлено еще одному участнику мероприятия – Власову Андрею Терентьевичу, труженику тыла. Его рассказ был менее коротким, но работа детей в тылу была высоко оценена ( уже позже ) государством в виде финансовой добавки к пенсии. По видео-мосту мы прослушали и посмотрели выступления многих ветеранов ВОВ, тружеников тыла и детей войны.
Было грустно и в то же время радостно от того, что сегодня мы можем видеть и слышать настоящих патриотов своей земли. Три с половиной часа пролетели незаметно. Всем было интересно пообщаться друг с другом - насколько позволила Интернет-связь. И самое главное, красной нитью прошедшее через всю программу видео-моста - это пожелание Мира во всем мире. Курской библиотекой было предложено до конца года озвучить голоса всех участвующих в видео-мосте ветеранов ВОВ и тружеников тыла в формате МР3 и прислать записи в Курск для создания звуковой коллекции воспоминаний о войне. И мы бы хотели, чтобы ветераны, живущие в Шымкенте и области, желающие оставить свои воспоминания потомкам, обратились в ЮКО спецбиблиотеку для незрячих и слабовидящих граждан по адресу: ул. Уалиханова, д.213-А; тел.:57-37-06; 57-23-78.
И пока человеческая память хранит в деталях и красках героические и одновременно трагические страницы ВОВ, ее живая летопись не завершена.
(ЮКО спецбиблиотека для незрячих и слабовидящих граждан, библиотекарь отдела обслуживания О.Русинова)
|
|
