Шымкент қалалық көзі көрмейтін және әлсіз көретін азаматтарға арналған арнайы кітапханада оқырмандар арасында 6 шілде - Астана күніне арналған «Нұр- Сұлтан - арман қала» атты іс-шара өтті. Келген оқырмандарға Астана күнін мемлекеттік мереке деп жариялаудың тарихи, танымдық, тәрбиелік тұрғыдан мәні айрықша зор екендігі айтылды. Бұлай дейтін себебіміз, елорданы Алматыдан Ақмолаға ауыстыру – бұл қазақтың өз билігі өзінің қолына тигеннен кейін ұлттың болмыс – бітімін сақтап, мемлекеттің келешегін кемелдету мақсатында «он ойланып, тоғыз толғанып» барып қабылданған тарихи шешім болды.

Шымкент қалалық көзі көрмейтін және әлсіз көретін азаматтарға арналған арнайы кітапханада 19-маусым күні «Халықаралық Алаш» әдеби сыйлығының, «Парасат» орденінің, «Саттар Ерубаев» атындағы сыйлықтың және «Тіл жанашыры» құрмет белгісінің иегері ақын Ханбибі Есенқарақызының 70 жылдық мерейтойына арналған «Озық ойлы, шыншыл жан» атты әдеби-сазды кездесу кеші өтті. «Қанат қақты», «Бұлттсыз аспан», «Жұлдызым», «Жан гүлім», «Жан айқайы», «Жыр», «Сыр» т.б. кітаптардың авторы Х.Есенқарақызымен сыр-сұхбат, кездесу кеші жоғары деңгейде өтті. Кешті кітапхана қызметкері, ақын Ербек Бакиев жүргізді. Кеш барысында Хан апамыз кеш жүргізушісі мен оқырмандар тарапынан қойылған сұрақтарға жауап беріп, өзінің әсерлі, тағылымды әңгімелерімен көпшіліктің көңіліне жылулық сыйлады.

22.05.19 ж. Шымкент қалалық көзі көрмейтін және әлсіз көретін азаматтарға арналған арнайы кітапханада «Тағдырластар» клубының кезекті басқосуы қасиетті Рамазан айына арналып «Айлардың сұлтаны Рамазан айы» атты тақырыпта өтті. Аталмыш жиынға «Ислам жолы» мешітінің найбимамы Асқаров Медет, сонымен қатар Сарыағаш медресесінің студенті Оразбаев Акбар келді. Сөз алған М.Асқаров ислам құндылықтары турасында, иманның шарттары жайында, адамзатқа Алладан парыз етілген 5 парызға қатысты, оның ішінде айлардың сұлтаны құлшылық айы Рамазан айы турасында мол ақпараттар беріп, имандылықты дәріптеуде зор сүбелі ойлар айтты.

8 мамыр күні кезекті сәрсенбіде Ұлы Жеңістің 74 жылдығына арналған «Желбірейді Жеңіс туы көгімде» атты іс-шарасы өтті. Аталмыш кешті О.Русинова және Н.Еспанова екі тілде ашып, құттықтау сөзін кітапхана директоры Б.Нұрманбетовке ұсынды. Мекеме басшысы келген оқырмандарды маңызды мерекемен құттықтап, елге тыныштық, амандық  тіледі.     Сұм соғыс жылдары айтылып жүрген «Жеңіс күні» және «Катюша» әндерінің қазақшаға аударылғанын экранда көрсетіп, шыққан тарихымен таныстырып, оқырмандарды сол бір жылдарға апарып келгендей болдық. Іс-шара соңында оқырмандар сөз алып, ән айтып, сұм соғыстың болмауын, жастардың амандығын тіледі.

13- наурыз күні Шымкент қалалық көзі көрмейтін және әлсіз көретін азаматтарға арналған арнайы кітапханада оқырмандар арасында Қазақ ССР-нің халық әртісі Ә. Өмірзақованың 100 жылдығына орай «Мені халыққа танытқан кино» атты іс-шара болып өтті.

Қазақ киносының өркендеуіне орасан үлес қосып, кейінгі буынға өлмес мұралар қалдыра білген дара тұлғаның 100 жылдығына арналған шарада Ә. Өмірзақованың айшықты рольдері мен жарқын бейнесі, ерекше даусы мен көрнекті көрінісі жиналған оқырманға экран арқылы екі тілде деректі фильмдер көрсетілді.