"Ұлы Жібек жолы : Тарихи байланыстар мен мәдени алмасулар»

Шымкент қалалық көзі көрмейтін және әлсіз көретін азаматтарға арналған арнайы кітапханасының балалар бөлімі "Ұлы Жібек жолы: Тарихи байланыстар мен мәдени  алмасулар" тақырыбы  аясында балалармен танымдық кеш өткізді. Шараға қаламыздағы №43 Жалпы білім беретін орта мектебінің, жазғы  лагердегі оқушылары қатысты. Ұлы Жібек жолының пайда болуы, тарихы: Халықаралық байланыстардың дамуындағы Ұлы Жібек жолының рөлі, пайдасы, маңызы туралы кеңінен баяндалып, талқыланып, мәлімет берілді. Видео көрсетілді. Балалар қызыға тыңдап, сұрақтарға жауап беріп, белсене атсалысты. Кітапханамыздың  барлық залдарын аралап, танысып, естелікке суретке түсіп, кішкентай оқырмандар көңілді тарады.

«Өмір өзен» оқырмандармен еркін форматта

Шымкент қалалық көзі көрмейтін  және әлсіз көретін азаматтарға арналған арнайы кітапхана «Аудио» залында «Ғибрат» мәдени демалыс клубының бас қосуы болды. Кездесу еркін форматта өтті. Сыр алмасу мақсатында оқырмандардың сұранысы бойынша «Өмір өзен» атты тақырып қойылып, барлық өткен күндерге сапар шегіп, жастықтың жалынын, есейген шақтың ел ағасы болған тұстағы өткен күндердің бейнесінен сыр шертті. Еркін тақырыпта өткен осынау бір ғажайып сәтте оқырмандар алдымен бүгінгі әңгімеге, бүгінгі бас қосуға, тақырыпқа тұздық болсын деп өмір-өзен деп айтылатын бір адамның өмірін тұтастыратын сәттерге сұрақ, жауап алмасып естен кетпейтін, ескірмеген қызықты кезеңдерін еске алысты.

Ғибрат мәдени демалыс клуб мүшелері, оқырмандар және келген қонақтар әуезді ән тыңдап ерекше әсерге бөленді. Оқырмандар ыстық ықыластары мен тілектерін білдіріп, рахмет айтып тарасты.