№33 «Ақбота» арнаулы коррекциялық балабақшасында 1 маусым - Дүниежүзілік балаларды қорғау күніне орай өткізілген «Сыңғырласын балалардың күлкісі» атты ойын-сауық мерекелік кеші болып өтті. Мерекеде сайқымазақтар өнер көрсетіп, кішкентай балапандарға көтеріңкі көңіл-күй сыйлады. Балалар ән жырлары мен қазақтың ұлттық билерін нақышына келтіріп билесе, ал жігіттер қазақтың ұлттық ойыны арқан тарту сайысына қатысты. Мереке барлық балалардың көңілінен шығып естелікке сайқымазақтармен суретке түсті. Мереке соңында балалар жерге бормен сурет салып мәз мейрам болды.

СИҚЫРЛЫ КОМПАС: ШАТТЫҚ КӨКЖИЕГІНЕ САЯХАТ!

Балаларды қорғау күніне орыс драма театрының актерларының қатысуымен көру қабілеті нашар балаларға арналған ұмытылмас іс-шара өтті! Іс-шара инклюзия мен тең құқықтыққа маңызды қадам болды.

Барлық спектакльдер көру қабілеті нашар балаларға әр сәтті сезініп, түсінуі үшін арнайы бейімделіп, дыбыстық эффектілер және тактильді сезімдер арқылы олар әңгімелер әлеміне еніп, кейіпкерлермен бірге әр оқиғаны бастан өткерді.

Театр актерлары жарқын кейіпкерлерді дыбыстау, мимика және қозғалыс арқылы терең эмоцияларды жеткізіп, өздерінің өнері мен шеберліктерімен таңқалдырды.

Балалар мерекеден ләззат алып қана қоймай, актерлармен байланыс орнатуға, сұрақтар қоюға және театр туралы көбірек білуге мүмкіндік алды.

Актерларға, осы ұмытылмас оқиғаға қатысқандардың барлығына алғыс айтамыз!

"Тағдырластар" клубы мамырдағы кездесу

11 мамыр сағат 15:00 де Шымкент қалалық арнайы кітапхана алаңында "Тағдырластар" клубының мамырдағы кездесу кеші өтті. Кешті Ербек Бакиев жүргізді. Кеш барысында Павлодар қаласынан Диляра Асаинова, Түркістан облысынан Рустем Кенжеұлы, Жұмабай Лаура, Шымкенттен Бақдаулет Құрал, Әкімжан Өміртай әуелетіп ән жолдады. Қызықты ойындар ұйымдастырылып жеңімпаздарға сыйлықтар табыс етілді. Мамыр айында туылған туған күн иелерін Шымкент қалалық зағиптар қоғамы қоғамдық бірлестігінің төрағасы Пірімжанов Марат Ақанұлы құттықтап тілегін арнады. Кеш мазмұнды өтті. Жастар би билеп көңілді тарасты.

Шымкент қалалық көзі көрмейтін және әлсіз көретін азаматтарға арналған арнайы кітапханада 3 мамыр күні 1 Мамыр Қазақстан халқының бірлігі күніне арналған «Бірлігіміз жарасқан, Тәуелсіз ел Қазақстан» атты достық пен ынтымақты дәріптейтін мереке өтті. Шараға Шымкент қалалық  Өзбек драма театры арнайы келіп, өз ұлттының салт-дәстүрі мен ұлттық аспабтары мен ән-билерімен жиналған қауымның көңілінен шығып, көтеріңкі көңіл-күй сыйлады. Ұлтаралық татулық пен ынтымақ, бірлік пен сыйластықтың жарқын бейнесіне айналған мерекеде өзге ұлт өкілдерінің әдет-ғұрпымен салт-дәстүрлерін насихаттап, дәріптеу арқылы оқырмандарымызға кеңінен  ақпарат беріп, таныстырылды.

«О, Махаббат өмірімнің көктемі»

Шымкент қалалық арнайы кітапхананың аудио залында 14 сәуір сағат 11-00 де «Тағдырластар» клубының кезекті басқосуы ерекше атаумен ерекшелікке толы кеш болып өтті. «О, Махаббат өмірімнің көктемі» деп аталған кеш 15 сәуір ғашықтар күніне арналды. Ербек Бакиев кешті жүргізіп ортаны қызыққа бөледі. Павлодар облысынан Асаинова Диляра, Түркістан облыснан Лаура Жұмабай, Зебо Дадаева, Шымкенттен Алладин Талиев пен арнайы кітапхана қызметкері Гүлсара Каттабекова әсем әннен шашу шашса Ләззат Мүслім жырмен кешке шырай берді. Кеште кітапхана директоры Бәкір Нұрманбетов пен Қазақ зағиптар қоғамдық бірлестігінің Шымкент филиал төрағасы Пірімжанов Марат Аханұлы жастарды құттықтап ақ тілектерін арнады. Кеш барысында қызықты ойындар ұйымдастырылып, жеңімпаздарға түрлі сыйлықтар үлестірілді. Тағдыры тоғысқан жандар да ортаға шығып жиналған көрерменнің ықыласына бөленді. Кеш соңында жастар керемет безендірілген залда түрлі жүрекшарлар мен естелік суретке түсіп, көңілді тарасты.