Бүгінгі іс-шара «Дос-Мұқасан» ансамблінің құрылғанына 45 жыл және сол топтың композиторы әрі әншісі М.Құсайыновтың туғанына 65 жыл толуына арналды.

«Дос-Мұқасан» - қазақ эстрадасының абызы мен аңызы. «Дос-Мұқасан» - қазақ эстрадасы сахнасының рухани, эстетикалық күш-қуат беретін прожекторы. Қазіргі буын осы ансамбльді онша біле бермейді және әндерін тыңдамайды.Сол себепті кейінгі кездері біздің Қазақстанда ретро-фестивальдар жиі өтетін болды.

Біздің іс-шарада ансамблдің құрылу тарихы айтылды және «Жайдарман», «Той жыры», «Алматы түні» т.б. әндерін тыңдап оқырмандарымыз ортаға шығып би биледі.

«Дос-Мұқасан» - тұтас бір дәуір деп атасақ та болады. Ол – біздің тарихымыз. Ал тарихты ұмытуға болмайды. «Одан нәр алып қана алға жылжимыз» - дейді, аға буын құрдастары.

Іс-шараның мақсаты: Қазақстанның музыка өнері жайында, аңызға айналған «Дос-Мұқасан» ансамблі жайында мағлұмат беру.

Ұйымдастырушылар: Қызмет көрсету бөлімі.

Іс-шараға қатысушылар, саны: 16 оқырман

Өткізген орны: Оқу залы

Өтетін уақыты: 18 қыркүйек, сағ 11-00.