|
Жазға жоспар құрдың ба?
«Тағдырластар» клубының кездесуі
3-ші маусым күні Шымкент қалалық арнайы кітапханада «Жазға жоспар құрдың ба?» атты «Тағдырластар» клубының маусым айына арналған кезекті кездесуі өтті. Кешті Ербек Бакиев жүргізді. Алдымен маусым айында туған, туған күн иелерін құттықтап, сый-сияпаттар табыс етті. Түрлі сұрақтар қойылып, қызықты ойындар ұйымдастырылды. Камал Тоғжан, Көпжасар Ұлбике жырдан шашу шашып, көпті поэзия биігіне жетеледі. Ақтөбе облысы, Шалқар ауданынан арнайы келген Аманжол Мұқамбетказиев пен Айкөркем Қарабаева және Қасымхан Тәңірбергенов, Алладин Талиев, Сұлтан Маннатов, Ернар Бердалиевтер кештің көркін әсем әнмен кіргізді.
Жүргізуші қатысушыларға әдеби сұрақтар қойып, түрлі кітаптарға тоқталып өтті. Әрбір келуші оқырман шара барысында жазға арналған жоспарларымен бөлісті. Экран арқылы ақпараттық танымдық арнайы бейнематериалдар көрсетілді. Кеш соңында жиналған жастар топтасып естелік суретке түсіп көңілді тарасты.
    
|
|
«Бейбіт елдің бақытты балғындары»
1 маусым – Халықаралық балаларды қорғау күні
1 маусым – Халықаралық балаларды қорғау күніне орай Шымкент қалалық Қазақ зағиптар қоғамы мен Шымкент қалалық арнайы кітапхананың ұйымдастыруымен «Бейбіт елдің бақытты балғындары» атты мерекелік шара болып өтті. Іс-шараның мақсаты – зағип және көру қабілеті төмен балаларға мерекелік көңіл күй сыйлау, олардың шығармашылық қабілеттерін дамыту және қоғам тарапынан қамқорлық пен қолдау көрсету.
Мерекелік кеш барысында балаларға арналған қызықты ойындар, көңілді эстафеталар, ән-билер мен танымдық бағдарламалар ұйымдастырылды. Бүлдіршіндер өз өнерлерін көрсетіп, ән айтып, тақпақ оқып, көпшілікке көтеріңкі көңіл күй сыйлады. Сонымен қатар ертегі кейіпкерлері қатысып, балалармен бірге ойын-сауық бағдарламаларын өткізді.
Шара соңында кішкентай қатысушыларға арнайы сыйлықтар мен тәттілер табысталды. Балалардың шат күлкісі мен қуанышы мерекенің басты сәніне айналды.
«Бейбіт елдің бақытты балғындары» атты мерекелік кеш балаларға ерекше әсер сыйлап, мейірім мен ізгілікке толы тағылымды шара ретінде есте қалды.
      
|
|
«Көкбұлақтың күмбірлі кеші»
Айтыскер ақын Карима Оралова бастаған «Көкбұлақ» мәдениет ұжымы Шымкент қалалық арнайы кітапхана зағип оқырмандарына қайырымдылық концерттік бағдарламасымен өнер көрсетті.
Іс-шараның негізгі мақсаты – ерекше қажеттілігі бар оқырмандарға рухани қолдау көрсетіп, мәдени орта қалыптастыру және өнер арқылы ізгілік пен мейірімділікті насихаттау. Концерт барысында көрермендерге ән-күй, ұлттық өнер және тәрбиелік мәні зор шығармалар ұсынылып, көтеріңкі көңіл күй сыйлады. Кеш қонақтары өнерпаздардың шынайы ықыласына ризашылық білдіріп, мәдени шара жоғары деңгейде өтті. Бұл қайырымдылық концерті кітапхана мен мәдениет ұжымының ынтымақтастығын нығайтып, оқырмандарға ерекше әсер қалдырған тағылымды кездесу болды.
     
|
|
«Мен оқыған шығарма»
«Тағдырластар» клубы
6 мамыр күні Шымкент қалалық арнайы кітапханасында «Тағдырластар» клубының «Мен оқыған шығарма» атты кезекті кездесу кеші өтті. Кешті клуб жетекшісі Ербек Бакиев жүргізді.
Кеш барысында 7 мамыр – Отан қорғаушылар күніне және 9 мамыр – Жеңіс күніне арналған әндер орындалды. Маңғыстау облысы, Ақтау қаласынан арнайы қонақ болып келген Сахи мен Қамажай есімді жас жұбайлар өнер көрсетіп, жаңа достар тапты. Сонымен қатар Алматы қаласынан келген жас талант Аружан белсенділік танытты.
Кеш барысында қызықты ойындар ұйымдастырылып, түрлі сұрақтар қойылып, жеңімпаздарға сыйлықтар табысталды. Жастар өлең оқып, шараның шырайын кіргізді. Кітапхана директорының орынбасары Әбжаппар Эльмира Ақылбайқызы сөз сөйлеп, барша қатысушыларды мерекемен құттықтады.
     
|
|
|
«Бала үні – Әлем үні»
(әнші-сазгер Айзада Бекенқызымен кездесу кеш)
Кітапханада қазақ өнерінің дамуына өзіндік үлес қосып жүрген талантты әнші-сазгер Айзада Бекенқызымен кездесу болып өтті. Шараның басты мақсаты – оқырмандарды өнер иесінің шығармашылығымен таныстыру, ұлттық музыкаға деген қызығушылықты арттыру және жас ұрпаққа рухани-эстетикалық тәрбие беру.
Кездесу барысында Айзада Бекенқызы өзінің өнер жолы, шығармашылық ізденістері мен әндерінің шығу тарихы туралы сыр шертті. Сонымен қатар кеш қонақтары әншінің орындауындағы әсем әндерді тыңдап, сұрақтарын қойып, еркін пікір алмасу мүмкіндігіне ие болды.
Бұл рухани кеш – өнерді сүйетін қауым үшін ерекше әсер сыйлап, ұлттық мәдениетімізді дәріптеуге бағытталған тағылымды басқосу болды.
Кеш қонақтары айтыскер ақын Бөрібай Оразымбетов, Қазақ жазушылар одағының мүшесі, ақын Омархан Даутов, Сазгер әнші Есенкелдиева Роза, әнші Абылайхан Оспанов келді.
Автордың әндерін Шегебай Бақнұр «Ақ мамам», Тәліпбай Айдай «Апатайым», Бекет Әмина «Ата Әже», Әрсен Дархан «Отан» көптеген шәкірттері орындады.
«Ғибрат» мәдени-демалыс клуб мүшелері және келген қонақтар әуезді әндерді тыңдап, ерекше әсерге бөленді.
      
|
|
«Мұқағали - мәңгілік жыр!»»
(Ақын М. Мақатаевтың туғанына 95 жыл)
Шымкент қалалық көзі көрмейтін және әлсіз көретін азаматтарға арналған арнайы кітапханада 4 - ақпан күні ақиық ақын Мұқағали Мақатаевтың 95 жылдығына орай «Мұқағали - мәңгілік жыр!» атты еске алу кеші өтті. Кеште ақынның жарқын бейнесі еске алынып, өмірі мен шығармашылығынан сыр шертілді. Ақынның сөзіне жазылған халықтың жүрегінен орын алған, көпке белгілі әсем әндер орындалып, жырлары оқылды. Кітапханаға арнайы келген кеш қонағы ақын Қарлыға Бақтиярқызы жауһар жырлар оқып, әсем әндерімен және «Ізгілікте Жарысайық» Қайырымдылық қоғамдық қоры жетекшісі Жаңыл Рсымбет бастаған бір топ волонтер жастар көпшілік көрерменге көтеріңкі көңіл күй сыйлады. Сонымен қатар кітапханамыздың белсенді оқырмандары Г. Темирова, М. Умаралиева, А. Тайтелеевамен бір топ өнерлі жастарымыз Т. Камал, Н. Алиакбар, М. Даужігіт, М. Медеу, Н. Исаханова. Мұқағали атамыздың өлеңдерін оқып, кітапхана қызметкерлері Е. Амантаев пен М. Ермаханова және Г. Каттабекова әсем әндерден шашу шашты.
Күллі алаш жұрты ардақ тұтып, қадірлейтін қайталанбас тұлға, «Хан - Тәңірінің Мұзбалағы» атанған ақын есімі, өлмес жырлары халықпен бірге мәңгі жасай берері сөзсіз. Кітап көрмесіне ақын М. Мақатаевтың кітаптары, қойылып, оқырмандарға шолу жасалынды.
     
|
|
«Ғарыш әлеміндегі – Қазақ жұлдызы»
(Ұшқыш, ғарышкер Талғат Мұсабаевтың туғанына 75 жыл)
Қазақтың даңқты ғарышкер ұшқышы Талғат Мұсабаевтың туғанына 75 жыл толуына орай «Ғарыш әлеміндегі – Қазақ жұлдызы» атты танымдық-тарихи шараға көру қабілеті бұзылған «Үміт» мектеп-интернатының 5 «А», Брайль сынып оқушылары қатысты.
Шараны балалар залының кітапханашысы Г. Каттабекова жүргізді.
Іс-шарада оның ғарышқа жасаған сапарлары, халықаралық миссиялардағы еңбегі, ел ғылымы мен авиация саласының дамуына қосқан үлесі кеңінен қамтылды.
Талғат Мұсабаевтың ерлігі мен кәсіби шеберлігі жас ұрпаққа үлгі ретінде насихатталды. Ғарышкердің ғарышта өткізген күндері, ашық ғарышқа шығу кезіндегі ерлігі, ғылыми тәжірибелері мен техникалық жетістіктері ерекше аталып өтті.
Кітап көрмелері ұйымдастырылып, ғарыш аймағы туралы деректі бейнематериалдар ұсынылып, кіші қалыпты мүсіндермен зағип оқушылар танысып, оқырмандарға ғарыш әлемі туралы толық ақпарат берді.
«Сиқырлы сандық» атты викториналық сұрақтар ұйымдастырылып, дұрыс жауап берген оқушыларға тәтті сыйлықтар табысталды.
    
|
|
БҮГІНГІ КҮН – БІР БЕЛЕС
«ТАҒДЫРЛАСТАР» КЛУБЫ – 15 ЖЫЛ
Шымкент қалалық арнайы кітапханада «Тағдырластар» клубының 15 жылдығына арналған «Бүгінгі күн – бір белес» атты мерекелік кеш өтті. Кешті клуб жетекшісі Ербек Бакиев жүргізді. Айтулы шараның шымылдығы «Тағдырластар» әнімен ашылды.
Кітапхана директоры Ахат Нысанбеков сөз сөйлеп, клубтың 15 жылдық мерейтойымен құттықтап, оның қоғамдағы орны мен маңызын атап өтті.
Кеш барысында клубтың негізін қалаушы Катишев Сабит Полатұлы және алғашқы қатысушы бір топ азаматтар сөз алып, өткен жылдарға шолу жасап, жүрекжарды ақ тілектерін арнады.
Айтыскер ақын Мейіржан Жақып жиналған жұртқа жырдан шашу шашып, «Тағдырластар» клубына арнау жолдады. Сонымен қатар, елге танымал эстрада жұлдыздары Еркін Нұржанов, Абзал Молдабеков, Сұлтанғали Шерхан және өзге де өнер иелері әсем әндерін тарту етіп, көпшілікке көтеріңкі көңіл күй сыйлады.
Санжар Керімбай, Думан Жақанбаев, Жұматаева Асем, Гүлмайра Беркінқызы арнайы бейнеқұттықтау жолдап, мерейтой иелеріне жүрекжарды лебіздерін білдірді.
Кеш барысында түрлі сұрақтар қойылып, белсенді қатысушыларға және қаңтар айында дүниеге келген туған күн иелеріне арнайы сый-сияпаттар мен кітаптар табыс етілді.
Шара соңында оқырмандар естелік суретке түсіп, мерекелік көңіл күймен тарқасты.
          
|
|
|
|
|
<< Бірінші < Алдыңғы 1 2 3 4 5 6 7 8 9 10 Келесі > Соңы >>
|
|
Страница 1 из 23 |
