Халықаралық зағиптар күніне орай Шымкент қаласы Мәдениет және Тілдерді дамыту басқармасының және Шымкент қаласы  көзі көрмейтін және әлсіз көретін азаматтарға арналған арнайы кітапханасының ұйымдастыруымен  «ШамShyraq» қалалық фестивалі өз мәресіне жетті.

Екі күнге ұласқан мереке жоғары деңгейде ұйымдастырылып, өмірге құштар жандарды бір марқайтып тастады.

3 номинация бойынша өнерпаздар сайысқа түсіп жеңімпаздар анықталып, ақшалай сыйлықтар табыс етілді.

Бұдан бөлек,  «Тәуелсіздікке тағзым!» зағип оқырмандармен атқарылған жұмыстар, көрмесі;

—«Рухты жаңғырту, парызымыз» ҚР-ның 30 жылдығына арналып шығарылған  тактильді кітаптар тұсаукесері;

— «Саусақ ұшындағы әлем» зағиптарға арналған арнайы шахмат және шашкі бойынша  спорт сайысы;

—«Атадан өсиет...»  көрмесіне шолу (сазды балшықтан жасалынған түрлі бұйымдар, көне музыкалық аспаптар). Этномұражай директоры Қарабдалов Кендебай Әбжаппарұлымен жүздесу;

—«Әдебиет пен өнердің шұғыласы» жергілікті ақындар-жазушылар, айтыскерлер, әншілер, композиторлармен  кездесу;

—«Ізгілік мекеніндегі ашық алаң» жас тілшілер, блогерлермен  сұхбат және Алматы қаласынан келген SATR.kz  компаниясының зағип жандарға арналған автоматтандырылған құрылғыларымен таныстыру болды.

Шымкент қалалық арнайы кітапханада 2021 жылдың 7 шілде күні сағат 11:00 де «Шабыты ортақ қос талант» атты жазушы Бақтыгүл Ауданова және әнші композитор Арайлым Саттаровамен кездесу кеші өтті. Кештің мақсаты жазушы Б.Ауданованың «Ай толғатып жатқанда», сазгер А.Саттарованың «Ән болып төгіл назды үнім» атты жаңа кітаптарының таныстырылымын жасап зағип және нашар көретін оқырмандарға шығармашыл таланттардың туындыларын дәріптеу болып табылады. Кешті Ербек Бакиев жүргізді. Алғашқы сөз кітапхана директоры Б.Нурманбетовке берілді. А.Саттарова әдемі әннен шашу шашып, Б.Ауданова өз әңгімелерінен үзік сырлар ақтарды. Шығармашыл жандарға түрлі сауалдар жолданды. Кеш қонақтарына Қазақстан авторлар қоғамының төрағасы Байғали Есеналиевтің және жазушы Фатима Жүнісованың арнайы құттықтау бейнеролигі ұсынылды. Кеш соңында оқырмандар қос талантпен естелік суретке түсті.

16 маусым 2021 жылы Шымкент қалалық көзі көрмейтін және әлсіз көретін азаматтарға арналған арнайы кітапханасында танымал жазушы, шежіреші Момбек Әбдәкімұлының "Шымкент қаласының тарихы" атты кітабына тұсау кесер кездесу кеші өтті және "Шырайлы Шымкент — шынайы келбет!" атты кітап көрмесі ұйымдастырылды.

Шымкент қалалық арнайы кітапханада айтыскер ақын, Республикалық айтыстарда өз өнерін тарту етіп, көрерменнің көңілінен шығып жүрген Маржан Есжанованың 50 жасқа толуына орай «Тәтті өлеңін тарту етер алашқа» атты ақынмен кездесу кеші болып өтті. Кеште Маржан Есжанова айтыстағы қызықты оқиғалармен бөлісіп, өнерін көпшілікке паш етті.

Шымкент қалалық көзі көрмейтін және әлсіз көретін  азаматтарға арналған арнайы кітапханасы

1 маусым- Халықаралық  балаларды қорғау күніне орай  «Бар жақсылық балаларға» атты  мерекелік іс-шара өтті.