Қаламызда талантты зағип азаматтар үшін арнайы ұйымдастырылған «Шамшырақ» өңірлік өнер фестивалі болып өтті.

Фестиваль зағип азаматтардың мүмкіндіктері туралы түсінікті өзгертуге, олардың қоғамға қосқан ерекше үлесін көрсетуге, қоғамда оң көзқарас қалыптастыруға, шығармашылықта керемет нәтижелерге қол жеткізе алатынын көрсетуге, инклюзивтілікке жол ашуға бағытталған.

Облысымыздың түкпір-түкпірінен келген қатысушылар тактильді өнер, проза, поэзия, актерлік шеберлік, аспапта орындау, вокалдық орындау секілді номинациялар бойынша бақ сынасты.

Ақын-жазушылардан, мәдениет-өнер майталмандарынан, қоғам қайраткерлерінен, елімізге белгілі вокалист және хореограф мамандардан құралған қазылар алқасы мүшелері ұсынылған жұмыстарды тақырыпқа сәйкестілігі, стилінің бірегейлігі, инновациялық және эксперименттік көзқарасы, көрерменге эмоционалды әсер етуі және т.б. бойынша бағалады.

Бастысы аталмыш фестиваль зағип адамдардың проблемалары мен қажеттіліктері туралы қоғамның хабардарлығын арттыруға, әр адамның тең мүмкіндіктері бар инклюзивті қоғам құруға және көру қабілеті нашар адамдардың қоғамның мәдени-шығармашылық дамуы үшін ерекше қабілеттері мен таланттары бар екенін баса көрсетуге арналған.

СІЗ ҚОНАҚҚА ЖИІ БАРАСЫЗ БА , ҚОНАҚТЫ ЖИІ ШАҚЫРАСЫЗ БА?

«Тағдырластар» клубының қазан айындағы кездесуі

Бүгін Шымкет қалалық арнайы кітапханада «Сіз қонаққа жиі барасыз ба, қонақты жиі шақырасыз ба? атты тақырыпта «Тағдырластар» клубының кезекті басқосуы болып өтті. Кеш барысында аталған тақырыпқа сай сұрақ жауаптар мен пікір алмасу, сондай-ақ түрлі ойындар ұйымдастырылды. Қоржын қалта айдарында сұрақтар қойылып, қатысушылар белсенділікпен жауап беріп сый-сияпатпен марапатталды.

Айтулы кешке Солтүстік Қазақстан облысы, Павлодар қаласынан Алдабергенова Айман, Батыс Қазақстан облысы, Орал қаласынан Изкулова Шынар арнайы келіп қатысып, қонақ болды. Кеште Талиев Алладин, Каттабекова Гүлсара, Зебо Дадаева, Оралбек Махамбетұлы әуезді ән шырқап, көпшілікке керемет сезім сыйлады. Алыстан арнайы келген қонақтар өз ықылас лебіздерімен бөлісіп, ризашылықтарын білдірді.

Кешті тізгіндеген Ербек Бакиев кітаптар әлеміне ой жүгіртіп, оқырмандардың пайым-парасатын жан-жақты қамтып отбасылық бағытта, қонақ күту мен қонаққа бару хақында әртүрлі ой толғады. Кешке қатысқан жандар өз әсерлерін ортаға салып, естелік суретке түсіп, ортақ таныстық орнатып, көңілді тарасты. Арнайы кітапхана төрі әрдайым қонақжай әрі оқырманға қызмет етуге дайын.

Жеңіс саябағында Арнайы кітапхананың ұйымдастыруымен «Жазғы симфония: поэзия, лирика және жастар кеші» болып өтті. Бұл кеште тыңдарман қауымға поэзия, жастық шақ және сұлулық әлемін жырлай отырып, «Музалар әлеміне» қызықты саяхат, эмоционалды тәжірибе және шығармашылық кеш сыйланды.

Кеште поэзияның ең жарқын және есте қаларлық сәттері, махаббат туралы классикалық өлеңдер, осынау сұлу мезгілден шабыттанған жас ақындардың шығармалары паш етілді.

Кеш қонақтары: Дәурен Айманбетов, Сүндет Сейітов, Арайлым Мұратәлиева сынды өңіріміздің жас ақындары өз өлеңдерінен үзінді оқып, өз пікірлерін ортаға салып отырды. Сонымен қатар арнайы шақырылған қонақтар мен кітапхана қызметерлері өлең жырларын оқып, ұйымдастырылған «Алғашқы жол», «Поэтикалық шара» ойындарға белсене қатысты. Кеш соңында қатысушылар, алғыс хаттармен марапатталды.

Кешті жүргізген кітапхана қызметкері Л.Мусилим.

«Vision Assistant» innovative technologies for the blind - бұл компьютерлік көрудің, жасанды интеллекттің және сенсорлық жүйелердің озық әдістерінің симбиозы.

Кітапханамызда зағип және нашар көретін адамдарға арналған инновациялық жоба «Vision Assistant» электронды құрылғысының таныстырылымы өтті.

Іс-шара қонақтары НИШ мектебі, физика пәнін тереңдетіп оқытатын 11 Д сыныбының оқушылары Қарсақбаева Шұғыла мен Өмірбек Рахат. Дарынды жастарды өзінің өнегесімен шабыттандырған мұғалімі Кушекова Бибігүл.

Кездесудің мақсаты зағип оқырмандарды инновациялық технологиялармен таныстырып, бұл құрылғылар күнделікті өмірде қалай көмектесетіні туралы көбірек ақпарат білу. Зағип оқырмандар “ Vision Assistant” ерекшеліктері туралы және жас өнертапқыштардың болашағына арналған жоспарына табанды қызығушылық танытты.

Жас өнертапқыштар болашақта көру қабілеті нашар және зағип адамдардың өмір сүру сапасын арттыратын технологияның басқа салаларын қамтитын зерттеулер мен әзірлемелерді кеңейтуді жоспарлап отыр.

Мұндай кездесулердің маңыздылығы көру қабілеті нашар адамдарға инклюзия саласында ғылыми және техникалық жаңалықтардың дамуын белсенді түрде ынталандыратындығында.

«Абай мұрасы – ұлттық ақыл ойдың көрінісі»

Кітапханамызда Ұлы ақын Абай Құнанбаевтың 178 жылдығына арналған тамаша іс-шара болып өтті.

Мұндай іс-шара мәдени саладағы инклюзивтіліктің маңыздылығын тағы бір атап өтті және ұлы тұлғалардың мұрасын мүгедектігі бар адамдарға қалай қолжетімді етуге болатыны жайында түсінік берді.

Шарада:

Абай өмірі мен шығармашылығы туралы тифлотүсіндірмелі фильм зағип жандарға оңай қабылдауға мүмкіндік беретін форматта ұсынылды.

Абай өлеңдерін жатқа оқу бойынша жарыстар ұйымдастырылды. Іс-шара басталмас бұрын қатысушыларға арнайы форматтағы поэзия мәтіндерін, мысалы, Брайль және аудио форматта ұсынылған болатын.

Абай әндері шырқалды, осылайша оқырмандар ізденіп, өздерінің шығармашылық талғамын қалыптастыра алды.

Абайдың портреті және басқа да көрнекі заттар зағип қатысушыларға пішіндерді сезінуге мүмкіндік беретін тактильді материалдар арқылы ұсынылды.

Студенттер Абайдың шығармашылық портретін жасады, сондай-ақ "Абай жолы"роман-эпопеясы бойынша әдеби квест ұйымдастырылды. Кітапхана әдеби сахнаға айналып, Абай дәуірінің бейнесін жандандырып, қазақ халқының шығармашылығына ақын өлеңдері мен керемет шығармалары арқылы саяхаттады .

Сонымен қатар, іс-шарада қызықты пікірталастар ұйымдастырылды, онда Абай философиясы мен әлемге көзқарасының аспектілері талқыланды. Бұл тыңдаушыларға оның бірегей ойлауын тереңірек түсінуге мүмкіндік берді және өзекті мәселелерді талқылауға шабыттандырды.