«Сәулеті мен дәулеті асқан Шымқала»

«Жайна, жаса, жасыл қала!»

(Шымкент қаласына 2200 жыл)

Кітапханалық іс-шаралар арасында біз туған өлкемізге көп көңіл бөлеміз. Шымкент қаласы биыл 2200 жылдық мерей тойын тойлап отыр. Сондықтан «Сәулеті мен дәулеті асқан Шымқала» атты іс-шараны оқырмандармен өткізуді жөн көрдік. Бұл тақырып бәріне де қызық болса керек. Өйткені оқу залында аға буынды және жас буынды оқырмандар араласып келді. Жүргізуші С. Катишев оқырмандарды сүйікті қаламыздың тарихымен танысуға шақырды. Баяндаушылар Л. Абжаппарова мен Н. Тұяқбаева орыс және қазақ тілінде қаланың ежелгі орын тепкен жерінен бастап, Шымкент сөзінің баламасын парсы тілінде айтып беріп, содан-соң бүгінгі Шымкенттің келбетін суреттеді. Баяндама экрандағы слайдтармен көмкеріліп отырды. Осыдан кейін «Шырайлы Шымкентім» атты ән қойылып «Түнгі Шымкент» атты бейнеклип көрсетілді.

Президентіміз Оңтүстік өңіріне аса көңіл бөледі. Себебі, бұл жер қазақ тілі қаймағының тұңған жері деп түсіндірді жүргізуші. Сондықтан іс-шараның екінші бөлімі Шымкент қаласының бас жоспарына арналды. Баяндамашылар орыс және қазақ тілінде жұртшылықты үкіметтің ақырғы бекітілген бас жоспарымен таныстырды. Ол құжатта қаланың әкімшілік орталығы, жаңа пайда болатын аудандар және тағы басқа күрделі өзгерістер айтылды. Таныстырудың соңында оқырмандар бір-бірімен қызық әңгіме дүкен құрып жатты. Өйткені қала болашағы қай-қайсымыздың болса дағы толғандырмай тұрмайтыны анық. Іс-шара соңында осы тақырыпқа көрме қойылып, өлкелік БАҚ әдебиеттері қойылды.