«Нақышты бояу сырлары»

(Суретші Ә.Қастеевтың туғанына 110 жыл)

2014 жылғы алғашқы іс-шара тақырыбын қазақ қылқалам шебері және сурет өнерінің негізін қалаушысы Ә. Қастеевке арнадық. Көбінесе оқырмандар қауымы көрмейтін немесе нашар көретін азаматтар болса да, оларды бұл тақырып ерекше қызықтырды.

Баяндаушы Н.Тұяқбаева оқырмандарға суретшінің толық өмірбаянымен таныстырып ол кісінің замандастырының естеліктерін оқып шықты. Алғашқы қадамын Ә.Қастеев Алматы қаласында Н.Хлудовтың жетекшілігімен акварель өнерімен танысты. Одан ары Мәскеу қаласында И.Бродскидің шеберханасында білім алды. 30-шы жылдары Ә. Қастеев өз алғашқы жұмыстарын қазақ халқының салт-дәстүрімен әдеп-ғұрыптарына арнап, бірқатар туындылар жазды. Олар «Келін», «Колхоз тойы», «Киіз үйдің ішкі көрінісі». Сондай-ақ баяндаушы суретшінің қаламы тарихи және географиялық тақырыптарды қозғады дей келе отырып Ә. Қастеевтің қазақ ғұламаларына арналған туындыларымен оқырмандарды таныстырып және оқырмандарға сол картиналарды жан-жақты сөзбен жеткізуге тырысты. Олар Аманкелді Иманов, Абай Құнанбаев, Кенесары Қасымұлы, Жамбыл Жабаев, Шоқан Уәлихановқа арналған бірқатар туындылар. Сондай-ақ қылқалам шебері өз туған еліне деген махаббатын қылқалам арқылы жеткізіп отырған. Шебер өз суреттерінде Жетісу табиғатының кереметтерін суреттей отырып, осы тақырыпқа бірқатар картиналарын арнаған. Мысалы жұртшылыққа белгілі «Қыстау» туындысы. Жүргізуші оқырмандарға 2004 жыл «Юнеско»-ның бекітуімен Ә. Қастеев жылы деп бекітілгенін жеткізді. Одан әрі баяндаушы өз сөзінде қылқалам шеберінің мол және бай мұра қалдырғанын айта келе суретшінің отанына арналған жүздеген картиналары бар екендігін айтып өтті. Іс-шара соңында оқырмандармен баяндамада айтылған ақпарат бойынша шағын байқау өткізілді. Осы тақырыпқа арнап оқу залында көрме ұйымдастырылып онда Ә. Қастеевтің туындыларымен және кітаптары қойылды.

(ОҚО арнайы кітапханасының қызмет көрсету бөлімі )