«ЭКСПО тарихы» циклынан:

«Индустриялық революцияның жаңа кезеңі»

(ЭКСПО 2017 көрмесі аясында)

ҚР президенті әрдайым халыққа Қазақстан өндірісі жаңарту кезеңінен өту керектігін әрдайым айтады. Осы революцияның бірден-бір жолы ол Қазақ мемлекетінің 2017 жылы ЭКСПО көрмесіне құқық алуында. Сондықтан осы тақырыпқа аса мән бере отырып іс-шара өткізуді жөн көрдік. Әдеттегідей оқу залында оқырмандар көп жиналды. Жүргізуші С. Катишев және Н. Тұяқбаева ЭКСПО көрмесінің шығу тарихымен таныстыра бастады. ЭКСПО көрмесінің шығуы 1850 жылы Лондон қаласының Гайд саябағында Джозеф Пакстон Хрусталь шыныдан салынған сарайдан басталады. Сарайдың атын «Хрусталь шыны» деп журналистер атапты. Джозеф Пакстон Ағылшын елінің парламентінің рұқсатымен бір жылдан соң осы сарайда қысқы бақ орналастырады. Одан әрі баяндаушылар осы сарайдың басынан кешкен әртүрлі кезеңдерді суреттеп берді. 1946 жылы бұзылуға сәл-ақ қалған ғимараттарда Джон Бердтің фирмасы орналасты. Ал саябақ ішінде осы фирманың толқын таратын бағаналары орын тепті. Сөзсіз бұл көрме әлемге өз пайдасын келтіріп индустрия қарқынына серпіліс бергені анық. Сондықтан ЭКСПО көрмесінің Париждегі кеңсесі көрме өткізу құқығын көптеген сараптамалардан өткізіп тиісті елге береді. 2009 жылы біздің елімізде осы көрмеге қатысуға бел буып ақыры 2013 жылы тиісті құқықты алды. Қазақстан Республикада Т.Ермегияев басқарған Астана ЭКСПО - 2017 компаниясы құрылды. Жүргізуші ЭКСПО-ның бас концепциясы «Жасыл қуат көзі» екендігін айтып елімізде бірқатар шаралар өткізіліп келе жатқанын тілге тиек етті. Мысалы 2013 жылдың басында Астана қаласында күн сәулесінің қуатын жинайтын батареялар және үй шатырлары шығарыла бастады. Елбасының тапсырмасымен Астана қаласын жасыл белдеумен қоршау немесе био жанар май шығару секілді жұмыстар атқарылып келеді. Баяндама соңында жүргізуші президенттің ЭКСПО көрмесіне аса мән беріп отырғанын айтып өтті. Оқу залында осы тақырыпқа сәйкес көрме ұйымдастырылып, көрме сөрелеріне ЭКСПО туралы газет беттеріндегі мақалалар қойылды.

(ОҚО арнайы кітапханасының қызмет көрсету бөлімі )