Іс-шараның мақсаты: Ұлы Отан соғысы біздің халқымыздың, аға буын өкілдерінің, біздің әкелеріміз бен аналарымыздың биік рухын, ерлігі мен қаһармандығын күллі әлемге танытқан соғыс болса, Ұлы Жеңіс аға ұрпақтың сол ұлы ерлігін мәңгілік ел жадында сақтауға арналған қасиетті мереке, - дей келіп, біз халықтар арасындағы достық пен бірлікті қастерлеген аға ұрпақтың жалғасы екенімізді мақтан етеміз.

Ерлік пен елдіктің, қайтпас қайсарлық пен батырлықтың белгісіндей болған 9 мамыр мерекесіне де 70 жыл толып отыр. Ұлы Жеңіс әлем халықтары үшін де үлкен оқиға. Сұрапыл соғыс миллиондаған адамдардың өмірін қиып, жүздеген қала мен елді мекендерді тып-типыл етті. Сөйтіп соғыс әр үйге, әр отбасының өміріне жазылмас жараның ізін қалдырды. Ұлы Отан соғысы - Кеңес Одағы халықтарының тарихындағы қасіретті бет қана емес, сонымен қатар ол халықтардың теңдесі жоқ ерлігі мен қажыр-қайратының, бірлігінің дәлелі.Мамыражай мамырдың шуақты күні төңірекке мерейін шашуда. Жеңіс туын желбіретіп өткен 9 мамыр мерекесі аудандық кітапханасында, басталды. Жаралы жылдар жаңғырығындай болып төгілген соғыс кезіндегі әндер шарықтай шалқып, омыраулары орден-медальдарға толы ардагерлер рухын шалқыта түскен, кешегі сұрапыл соғыста ерліктің ерен үлгісін көрсеткен жерлестеріміздің есімі жазылған монумент алдына оқырмандар  барды, гүл шоқтарын қойып, еліміздің Тәуелсіздігі жолында шейіт болып, майдан даласынан оралмаған боздақтарды 1 минут үнсіз тұрып, естеріне алып, рухтарына тағзым етті.Елі мен жері үшін кеудесін оққа төсеп, жанқиярлықпен күрескен майдангерлер мен тыл ардагерлерін құттықтау.  Іс- шара соңында келген оқырман ардагерге сый-сыяпат табыс етті.