|
БҮГІНГІ КҮН – БІР БЕЛЕС
«ТАҒДЫРЛАСТАР» КЛУБЫ – 15 ЖЫЛ
Шымкент қалалық арнайы кітапханада «Тағдырластар» клубының 15 жылдығына арналған «Бүгінгі күн – бір белес» атты мерекелік кеш өтті. Кешті клуб жетекшісі Ербек Бакиев жүргізді. Айтулы шараның шымылдығы «Тағдырластар» әнімен ашылды.
Кітапхана директоры Ахат Нысанбеков сөз сөйлеп, клубтың 15 жылдық мерейтойымен құттықтап, оның қоғамдағы орны мен маңызын атап өтті.
Кеш барысында клубтың негізін қалаушы Катишев Сабит Полатұлы және алғашқы қатысушы бір топ азаматтар сөз алып, өткен жылдарға шолу жасап, жүрекжарды ақ тілектерін арнады.
Айтыскер ақын Мейіржан Жақып жиналған жұртқа жырдан шашу шашып, «Тағдырластар» клубына арнау жолдады. Сонымен қатар, елге танымал эстрада жұлдыздары Еркін Нұржанов, Абзал Молдабеков, Сұлтанғали Шерхан және өзге де өнер иелері әсем әндерін тарту етіп, көпшілікке көтеріңкі көңіл күй сыйлады.
Санжар Керімбай, Думан Жақанбаев, Жұматаева Асем, Гүлмайра Беркінқызы арнайы бейнеқұттықтау жолдап, мерейтой иелеріне жүрекжарды лебіздерін білдірді.
Кеш барысында түрлі сұрақтар қойылып, белсенді қатысушыларға және қаңтар айында дүниеге келген туған күн иелеріне арнайы сый-сияпаттар мен кітаптар табыс етілді.
Шара соңында оқырмандар естелік суретке түсіп, мерекелік көңіл күймен тарқасты.
          
|
|
|
“Халқы сыйлаған қаламгер”
(Балалар жазушысы педагог, ақын Әдібай Табылдының туғанына 100 жыл)
Бүгін Шымкент қалалық көзі көрмейтін және әлсіз көретін азаматтарға арналған арнайы кітапханасының балалар залында , балалар жазушысы, ақын, педагог Әдібай Табылдының туғанына 100 жыл толуына орай “Халқы сыйлаған қаламгер” атты іс-шара болып өтті. Шараға Шымкент қалалық көру қабілеті бұзылған балаларға арналған “Үміт” мектеп - интернатының 7-сынып оқушылары жетекшілерімен келіп қатысты.
Қазақтың көрнекті жазушысы, педагог-ғалым, балалар әдебиетінің қайраткері Ә.Табылды өмірін бала тәрбиесіне, ұстаздыққа және әдебиетке арнаған ұлт зиялысы. Оның шығармашылығы қазақ балалар әдебиетінің дамуына зор үлес қосты. Жазушының “Бөбекке сөз”, «Мен кіммін білесің бе “, «Жырлайды жүрек» т.б туындылары жас ұрпақты адамгершілікке, еңбекке, отаншылдыққа баулуды мақсат еткен. Сонымен қатар ол-педагогика ғылымдарының докторы, профессор ретінде ұлттық тәрбие мен білім беру саласында да мол мұра қалдырды. Балалар жазушының өмір тарихымен, шығармаларымен танысып, өлеңдерін оқып, әңгімелерін тыңдап көп ақпараттар алды. Кеш барысында сергіту ойындарын ойнап, сұрақ-жауап арқылы балалар ойларын ортаға салып, белсене атсалысты. Кеш соңында балаларға тәттілер үлестіріліп, суретке түсіп, көңілді тарады.
      
|
|
Шымкент қалалық арнайы кітапханасында «Цифрлық кітапхана “Алматы кітап” планшеті және жасанды интеллект мүмкіндіктері» тақырыбында танымдық шара өтті.
Шара барысында қатысушылар «Алматы кітап» цифрлық кітапханасының планшет арқылы қолжетімді ресурстарымен танысып, жасанды интеллекттің оқу үдерісін жеңілдетудегі және кітапхана қызметін дамытудағы мүмкіндіктері туралы мағлұмат алды.
Цифрлық технологияларды тиімді пайдалану, оқырмандарға жаңа форматта қызмет көрсету және заманауи білімге қадам жасау – шараның басты мақсаты болды.
Мұндай кездесулер оқырмандардың цифрлық сауаттылығын арттырып, жаңа технологияларға деген қызығушылығын күшейтеді. Арнайы кітапхана ұжымы жасанды интеллекттің жаңаша мүмкіндіктерін ашып, көрсететін тамаша Планшет сыйға тарту еткен "Алматы кітап" баспасына Алғысымызды білдіреміз
    
|
|
|
Жаңа жылға жаңа қадам
«Тағдырластар» клубының жаңа жылдық кездесуі
Шымкент қалалық Арнайы кітапханада «Тағдырластар» клубының «Жаңа жылға жаңа қадам» атты мерекелік кеші өтті
Кешті клуб жетекшісі Ербек Бакиев ұйымдастырып, жүргізді
Алдымен кітапхана директоры Нысанбеков Ахат Қанатұлы сөз сөйлеп, барлық келген қонақтарды жаңа жылдық мерекемен құттықтап, ақ тілегін арнады
Шара барысында түрлі ойындар ұйымдастырылып, кеш қызықты сәттерге толы болды
Жыл көлемінде белсенділік танытып, клуб жұмысына тұтастай атсалысқан жандарға арнайы марапаттар мен түрлі номинациялар табысталып, бағалы сый-сияпаттар тарту етілді
2025 жыл несімен ерекше болды, қандай ұмытылмас сәттер өтті? деген сұрақтарға жауаптар айтылды
Кешке Аяз ата мен Ақшақар келіп, мерекенің шырайын кіргізіп , өнер көрсеткен оқырмандарға өз сыйлықтарын үлестірді
Шараға жиналған оқырман қауым бір-біріне жүрекжарды тілектерін арнап, қатарластарына жылы лебіздерін жолдады
Әуезді әндерді өз нақышында орындап, тәтті жырлар оқыған жастар көрерменнің мол ықыласына бөленді
Желтоқсан айында туған туған күн иелері де арнайы құттықтаулар қабыл алып, зор құрметке кенелді
Кеш соңында естелік суретке түсіп , қатысушылар мерекелік көңіл күймен тарқасты
Екі сағатқа жуық жалғасқан бұл шара жұрт есінде көпке дейін сақталары анық
Жаңа жылды жақсы көңіл күймен қарсы алуға тілектес болған кітапхана ұжымы әрбір келушіге келе жатқан 2026 жыл құтты, берекелі болсын деп ізгі лебізін арнады.         |
|
«Қош келдің Жаңа жыл» .
Жаңа жылдық мерекелік шырша .
Жаңа жыл, ең алдымен, балалар мен бүлдіршіндерге қуаныш сыйлайтын мереке. Осы орайда, қаламыздағы көру қабілеті бұзылған балаларға арналған «Үміт» мектеп интернатының 1-5 сынып оқушыларынан құралған ерекше балаларға арналған жаңа жылдық мерекелік кешіміз болып өтті .
Іс-шараға қаламыздағы ерекше балалар ата-аналарымен бірге қатысты . Салтанатты шарада Шымкент қалалық арнайы кітапхана мен Қазақ зағиптар қоғамы демеушілік жасап, балаларды мерекемен құттықтап, Жаңа жылдық сыйлықтарын табыстады .
Кеш барысында балақайлар ертегі кейіпкерлерінің ерекше қойылымын тамашалады . Сондай-ақ, олар Аяз ата мен Ақшақарды қарсы алды . Арнайы дайындалған концерттік бағдарлама барысында түрлі жаңа жылдық кейіпкерлер өнер көрсетіп, кештің сәнін келтірді .
Балалардың өнеріне тәнті болған Аяз ата мен Ақшақар оларға тәттілер ұсынды.
         
|
|
|
|
|
<< Бірінші < Алдыңғы 1 2 3 4 5 6 7 8 9 10 Келесі > Соңы >>
|
|
Страница 1 из 40 |