«О, Махаббат өмірімнің көктемі»

Шымкент қалалық арнайы кітапхананың аудио залында 14 сәуір сағат 11-00 де «Тағдырластар» клубының кезекті басқосуы ерекше атаумен ерекшелікке толы кеш болып өтті. «О, Махаббат өмірімнің көктемі» деп аталған кеш 15 сәуір ғашықтар күніне арналды. Ербек Бакиев кешті жүргізіп ортаны қызыққа бөледі. Павлодар облысынан Асаинова Диляра, Түркістан облыснан Лаура Жұмабай, Зебо Дадаева, Шымкенттен Алладин Талиев пен арнайы кітапхана қызметкері Гүлсара Каттабекова әсем әннен шашу шашса Ләззат Мүслім жырмен кешке шырай берді. Кеште кітапхана директоры Бәкір Нұрманбетов пен Қазақ зағиптар қоғамдық бірлестігінің Шымкент филиал төрағасы Пірімжанов Марат Аханұлы жастарды құттықтап ақ тілектерін арнады. Кеш барысында қызықты ойындар ұйымдастырылып, жеңімпаздарға түрлі сыйлықтар үлестірілді. Тағдыры тоғысқан жандар да ортаға шығып жиналған көрерменнің ықыласына бөленді. Кеш соңында жастар керемет безендірілген залда түрлі жүрекшарлар мен естелік суретке түсіп, көңілді тарасты.

«Ғарыш аңыздары»

(12 сәуір ғарышкерлер күні)

Шымкент қалалық көзі көрмейтін және әлсіз көретін азаматтарға арналған арнайы кітапханасы «Үміт» мектеп-интернат оқушыларымен «Ғарыш аңыздары» атты іс-шарасы өтті. Ғарышкерлер күні – алғаш адамның ғарышқа аттануына байланысты Ресейде және басқа да советтік елдерде 12 сәуірде тойланатын мейрам. Бұл іс-шара  балаларға  ХХ ғасырдың 2-ші жартысындағы адам баласының  ғарышты игерудегі жетістіктері, оның ғылыми маңызы жайында білім беру, ғарыш әлемі және ғарышкерлер туралы толық түсінік беріп білімдерін одан әрі кеңейту мақсатында, еңбексүйгіштікке, патриотқа, достыққа, отан-шылдыққа сезімін оята отырып, елін, жерін сүюге, құрметтеуге тәрбиелеу болып саналады. Ғарышкерлер жайында қызықты мәліметтерді толыққанды айтып өтіп, «Космос әлемінде» атты сұрақ-жауап ойынды балалармен ойнадық. Көрнекілікке космос әлеміне алғаш рет жол салған космонавт Юрий Гагарин және басқа да халықаралық экипаждар, планеталар, зымыран-дартуралы  түрлі-түсті суреттері бар  кітаптар қойылды, қызықты материалдар, бедерлі суреттер қойылды, ғарышкерлер жайында видеолар көрсетілді.

«Наурыз - думан»

(«Тағдырластар» клубының

наурыздағы кездесуі)

20 наурыз күні Шымкент қалалық Арнайы кітапханада «Тағдырластар» клубының кезекті басқосуы болып өтті. Бұл басқосу «Наурыз - думан» деген атаумен наурыз мерекесіне арналды. Мерекелік кешті Ербек Бакиев жүргізіп, қызықты ойындар ұйымдастырып, түрлі сұрақтар жасырды. Белсенділік танытқан барша жандар арнайы сыйлықтарға ие болды. Шымкент қаласы, Түркістан облысы, Алматы, Атырау, Қызылорда, сондай-ақ республиканың тағы басқа қалаларынан қонақтар келіп қатысып, ақ тілектерін арнап, мерекелік лебіздерін жолдады. Сонымен қатар наурыз айында туылған туған күн иелерінде құттықтап демеушілік танытқан Қазақ зағиптар қоғамының Шымкент қалалық филиал төрағасы Ербол Әділбеков ізгі тілегін арнады. Дадаева Зебо, Каттабекова Гүлсара, Әлиева Айдана, Талиев Алладин асқақтатып мерекелік әндерден шашу шашса, Лаура Жұмабай жырдан өлең оқыды. Қатысушыларға сыйлықтар табыс етілді. Кеш көңілді түйінделіп, естелік суретке түсіп, ерекше әсермен тарасты.

«Наурыз – Ұлыстың ұлы күні»

(22-наурыз мейрамы)

15 наурыз күні Шымкент қалалық көзі көрмейтін және әлсіз көретін азаматтарға арналған арнайы кітапханада «Наурыз – Ұлыстың ұлы күні» атты мерекелік кеш өтті. Аталмыш кеш, Ұлыстың Ұлы күні наурыз мейрамын ұлықтауға арналды. Іс-шараны кітапхана директоры Б.Нұрманбетов ашып, оқырмандарға жалынды ақ тілегін жолдады. «Ардақты әжелер» тобы, Шымкент қалалық Қаратау дәстүрлі өнер мектебінің ұстазы Оразәлі Жаңабаев, сонымен қатар кітапхана қызметкерлері Амантаев Ербол, Аппазова Кәмшат, Гүлсара Қаттабекова және кітапхананың талантты оқырманы Ақжүніс Тайтелеева өздерінің халық әндерін шырқап, кешті қызықтырып өткізді. Кеш соңында кітапхананың арнайы дайындаған наурыз көжесі мен бауырсағы оқырмандарға тарқатылды. Оқырмандар жақсы көңіл-күймен  бір-біріне ақ тілек арнап тарасты.

«Күрес. Сенім. Жеңіс»

«Бәйшешек» кітабының таныстырылымы

Шымкент қалалық арнайы кітапханада бүгін «Күрес. Сенім. Жеңіс» атты жазушы Жәмилә Бақтиярқызымен кездесу, «Бәйшешек» кітабының таныстырылымы болып өтті. Кешті кітапхана директоры Б.Нұрманбетов ашып оқырмандарға кеш қонақтарын таныстырып кеш тізгінін «Әкеге құрмет», «Анаға тағзым», «Қазақ қызы» кітаптарының авторы ҚР мәдениет саласына еңбегі сіңген қоғам қайраткері, әдебиет жанашыры Айдарбекова Күлия Смайлханқызына табыстады. Айтулы шараға  әнші Айжан Тәженова,  Бақтияр Өнербаев қадірлі қонақ болып қатысты. Сонымен қатар кітап авторы кітап жайында өзі жайында ақпарат айтып, түрлі сұрақтарға жауап берді. Аталған кеште қаламгердің өлеңдері оқылып, кітапхана қызметкерлерінің дайындаған сахналық қойылымы көрермен назарына ұсынылды. Жиналған оқырмандар кеш авторымен танысып, өмір жолына сәттілік тіледі. Естелікке суретке түсіп ерекше әсермен тарасты.