Жеңіс саябағында Арнайы кітапхананың ұйымдастыруымен «Жазғы симфония: поэзия, лирика және жастар кеші» болып өтті. Бұл кеште тыңдарман қауымға поэзия, жастық шақ және сұлулық әлемін жырлай отырып, «Музалар әлеміне» қызықты саяхат, эмоционалды тәжірибе және шығармашылық кеш сыйланды.

Кеште поэзияның ең жарқын және есте қаларлық сәттері, махаббат туралы классикалық өлеңдер, осынау сұлу мезгілден шабыттанған жас ақындардың шығармалары паш етілді.

Кеш қонақтары: Дәурен Айманбетов, Сүндет Сейітов, Арайлым Мұратәлиева сынды өңіріміздің жас ақындары өз өлеңдерінен үзінді оқып, өз пікірлерін ортаға салып отырды. Сонымен қатар арнайы шақырылған қонақтар мен кітапхана қызметерлері өлең жырларын оқып, ұйымдастырылған «Алғашқы жол», «Поэтикалық шара» ойындарға белсене қатысты. Кеш соңында қатысушылар, алғыс хаттармен марапатталды.

Кешті жүргізген кітапхана қызметкері Л.Мусилим.

«Vision Assistant» innovative technologies for the blind - бұл компьютерлік көрудің, жасанды интеллекттің және сенсорлық жүйелердің озық әдістерінің симбиозы.

Кітапханамызда зағип және нашар көретін адамдарға арналған инновациялық жоба «Vision Assistant» электронды құрылғысының таныстырылымы өтті.

Іс-шара қонақтары НИШ мектебі, физика пәнін тереңдетіп оқытатын 11 Д сыныбының оқушылары Қарсақбаева Шұғыла мен Өмірбек Рахат. Дарынды жастарды өзінің өнегесімен шабыттандырған мұғалімі Кушекова Бибігүл.

Кездесудің мақсаты зағип оқырмандарды инновациялық технологиялармен таныстырып, бұл құрылғылар күнделікті өмірде қалай көмектесетіні туралы көбірек ақпарат білу. Зағип оқырмандар “ Vision Assistant” ерекшеліктері туралы және жас өнертапқыштардың болашағына арналған жоспарына табанды қызығушылық танытты.

Жас өнертапқыштар болашақта көру қабілеті нашар және зағип адамдардың өмір сүру сапасын арттыратын технологияның басқа салаларын қамтитын зерттеулер мен әзірлемелерді кеңейтуді жоспарлап отыр.

Мұндай кездесулердің маңыздылығы көру қабілеті нашар адамдарға инклюзия саласында ғылыми және техникалық жаңалықтардың дамуын белсенді түрде ынталандыратындығында.

«Абай мұрасы – ұлттық ақыл ойдың көрінісі»

Кітапханамызда Ұлы ақын Абай Құнанбаевтың 178 жылдығына арналған тамаша іс-шара болып өтті.

Мұндай іс-шара мәдени саладағы инклюзивтіліктің маңыздылығын тағы бір атап өтті және ұлы тұлғалардың мұрасын мүгедектігі бар адамдарға қалай қолжетімді етуге болатыны жайында түсінік берді.

Шарада:

Абай өмірі мен шығармашылығы туралы тифлотүсіндірмелі фильм зағип жандарға оңай қабылдауға мүмкіндік беретін форматта ұсынылды.

Абай өлеңдерін жатқа оқу бойынша жарыстар ұйымдастырылды. Іс-шара басталмас бұрын қатысушыларға арнайы форматтағы поэзия мәтіндерін, мысалы, Брайль және аудио форматта ұсынылған болатын.

Абай әндері шырқалды, осылайша оқырмандар ізденіп, өздерінің шығармашылық талғамын қалыптастыра алды.

Абайдың портреті және басқа да көрнекі заттар зағип қатысушыларға пішіндерді сезінуге мүмкіндік беретін тактильді материалдар арқылы ұсынылды.

Студенттер Абайдың шығармашылық портретін жасады, сондай-ақ "Абай жолы"роман-эпопеясы бойынша әдеби квест ұйымдастырылды. Кітапхана әдеби сахнаға айналып, Абай дәуірінің бейнесін жандандырып, қазақ халқының шығармашылығына ақын өлеңдері мен керемет шығармалары арқылы саяхаттады .

Сонымен қатар, іс-шарада қызықты пікірталастар ұйымдастырылды, онда Абай философиясы мен әлемге көзқарасының аспектілері талқыланды. Бұл тыңдаушыларға оның бірегей ойлауын тереңірек түсінуге мүмкіндік берді және өзекті мәселелерді талқылауға шабыттандырды.

«Evening of meetings of experienced librarians»

«Ақпарат әлемінің шеберлері: тәжірибелі кітапханашылардың кездесу кеші»

Мақсаты:

Тәжірибелі кітапханашылар тәжірибелерімен бөлісе алатын платформа құру.

Кітапханашылар туралы стереотиптер мен түсініктерді өзгерту.

Жұмыстың жаңа құралдары мен әдістерін ұсыну.

Кітапхана қауымдастығын бірлесіп дамыту.

Басқа кітапханашылардың идеяларымен, тәжірибелерімен және жетістіктерімен бөлісу.

Кездесу нәтижесі

Тәжірибе алмасу: кітапханалар мен университеттердегі әріптестерімен кездесу бізге тәжірибе алмасуға мүмкіндік берді.

Мастер-класстар және жаңа дағдылар: кездесу бағдарламасында кәсіби дағдыларымызды кеңейтуге көмектесетін мастер-класстар өткізілді.

Жаңа жобалармен танысу: кездесу бізге басқа кітапханаларда жүзеге асырылып жатқан жаңа жобалармен танысуға мүмкіндік берді.

Кәсіптің имиджін көтеру: Бұл кездесу біздің мамандығымызға назар аударуға және кітапханашы білім беру процесінің және қоғамның мәдени дамуының белсенді қатысушысы екенін көрсетуге көмектесті.

Шабыт пен мотивация: Біздің жұмысымыздың маңызы бар екенін және адамдардың өміріне қатты әсер етуі мүмкін екенін көрдік. Бұл бізге өз мамандығымызға жаңа күш пен ынта-жігермен қарауға мүмкіндік берді.

Біздің бірлескен жұмысымыз бен білімге деген құштарлығымыз кез келген кедергілерді жеңуге және кітапхана қауымдастығы үшін жарқын болашақ құруға көмектесетініне сенімдіміз. Алға, жаңа жобалар мен жетістіктерге!

Қазақ шрифтінің авторы және өз өмірін зағип азаматтарға қазақ тілінде оқуға және жазуға мүмкіндік беретін арнайы жазу жүйесін құруға және дамытуға арнаған ағартушы, композитор Ақан Қасымовтың 95 жылдығына арналған «Ақан Қасымов: қолжетімді оқу дәуірінің 95 жылдығы» тақырыбымен республикалық ғылыми-практикалық конференциясы өткізілді. Аталмыш конференция - Ақан Қасымовтың мұрасын және зағип адамдар үшін қолжетімділік пен инклюзияны дамытуға қосқан үлесін атап өту және насихаттау үшін ұйымдастырылған маңызды шара болып табылады.