Шымкент қалалық арнайы кітапханада Сауықтыру айлығы аясында өмірге құштар өнегелі отбасы Айтбаевтар әулетімен кездесуге арналған  «Тағдыры жарасқан тәтті ғұмыр» атты мерекелік кеш өтті. Кеште жұбайы Дадаева Зебо әуезді әндер шырқады, мыңбұрала билеп, өлеңдер оқыды. Сонымен қатар өз қолынан жасаған қолөнер бұйымдарын алып келіп, арнайы көрме жасады. Айтулы кеште жиналған оқырмандар ақ тілек лебіздерін арнап, кеш қонақтарына түрлі сұрақтарын жолдады. Өнегелі отбасы саналатын Айтбаев Болат пен Дадаева Зебо екі ұл екі қыз тәрбиелеп отырған берекелі шаңырақ. Кеште қызы Айлин де өнер көрсетіп ана жолын жалғап би билеп көрермендерді тәнті етті. Кеш кейіпкеріне Шымкент қалалық қазақ  зағиптар қоғамының төрағасы Әділбеков Ербол Әлішерұлы құттықтап ізгі лебізін жолдады. Аталған кеште Алматы қаласының Республикалық арнайы кітапханадан Баймұратова Нурия Демалысқызыда ақ тілегімен қонақкәде ән шашуын жұптап тарту етті. Кеш соңында арнайы кітапхана атынан үлгілі отбасыға сый-сиапаттар табыс етілді. Көпшілік көрермен бақытты шаңырақ пен бірге суретке түсіп көңілді тарасты.

Шымкент қалалық көзі көрмейтін және әлсіз көретін азаматтарға арналған арнайы кітапханасында 25 қазан Республика күніне орай «Мен Отанның бақытты ұлымын» атты мерекелік іс-шара болып өтті. Бұл кештің бүлдіршін қонақтары «5-ші Нұрсат бөбекжай» бақшасының  10-шы «Тапқырлар» тобы өнер көрсетті. Оқушылардың туған жерін, туған елін, халқын ардақтап өтуге үйрету. Бақытқа жетер даңғыл жолдың бірі - туған Отанды сүюден басталатынын түсіндіру. Отанға деген патриоттық сезімдерін ояту. Қазақстан – Туымен тұғырлы, Елтаңбасымен еңселі, Әнұранымен айбатты деп ән ұран айтылып,  рәміздеріміз жайлы толық ақпарат арнайы дайындалған видео роликтен көрсетіліп, «Экрандық  сұрақтар» атты  ойын ойнатылды. Сонымен қатар ортада кітапхананың белсенді оқырманы Талиев Алладин,  ән шырқады. Балаларға тақырыпты әрмен қарай ашу үшін отан жайлы қызықты сұрақтар мен мақал мәтелдер жарысы болды. Балалар әрмен қарай «хор» айтып, тақпақтар айтып кештің сәнін кіргізді.

Бүгін Шымкент қалалық арнайы кітапханада аудармашы ақын Абай Қалшабек және ақын Бекмұрат Анарбаевпен «Асыл сөзі ұрпаққа азық болар» атты әдеби кеш болып өтті. Кешті арнайы кітапхана қызметкері Е. Бакиев жүргізіп, түрлі сұрақтар жолдады. Сонымен қатар кітапхана қызметкерлері Г.Каттабекова Л.Мүслім, А.Бердібек әдемі жырдан шашу шашса дәстүрлі әнші термеші Ғабит Шырынбеков кеш қонағы Бекмұрат Анарбаевтің өлеңіне жазылған әндерді орындап, көпке әннен рухани азық дарытты. Кеш қонақтары А.Қалшабек және Б.Анарбаев әдемі әңгімелерін айтып өлең жырларын оқып оқырмандардың ықыласына бөленді. Кеш соңында қаламгер мен оқырман топтасып естелік суретке түсіп, мазмұнды кештен мән ұғып ерекше әсермен тарасты.

«Ел мерейін өсірген Ермек»

(Сауықтыру айлығы аясында

Е.Қалымбетовпен кездесу)

Бүгін Шымкент қалалық арнайы кітапханада Сауықтыру айлығы аясында қазақтың көк туын әлемге желбіретіп, спорттық би жарысынан ел намысын қорғап жүрген Ермек Қалымбетовпен кездесу кеші болып өтті. «Ел мерейін өсірген Ермек» деген атаумен өткен шараны Е. Бакиев жүргізді. Кеште Е.Қалымбетов әндерін орындап, түрлі сұрақтарға жауап беріп, көптің көңілін көтере білді. Экран арқылы Ермектің Германия мемлекетінде және Бонн қаласында өткен әлемдік жарыстарда билеген биін көрермен назарына ұсынылды. Сонымен қатар айтулы кеште өмірдегі өнердегі замандас досы Т. Имантаева қонақта болып ақ тілегін айтып, қызықты әңгімелерімен бөлісіп, әдемі ән шашуын жолдады. Е. Қалымбетовтың өзі жұмыс атқаратын № 5 арнаулы әлеуметтік қызметтер көрсету орталығынан арнайы келген Раушан Ахметова ханым да ермектің болмысы мен қызметі жайында ой толғап болашағына бақыт тіледі. Сондай-ақ кеште қадірлі қонақ болып әуезді ән шырқаған Салих Қалиев те көптің қошеметіне бөленді. Кеш соңында кітапхана директорының орынбасары Әдемі Бөрібекова кеш қонағы Е.Қалымбетовке директордың алғыс хатын табыс етсе, Е.Бакиев арнайы сый-сиапат табыстап, «Тағдырыма тәнтімін» атты жыр кітабін тарту етті. Жиналған жұртшылық жас талантпен естелік суретке түсіп көңілді тарасты.

«Мұражайға саяхат»

(Тарихи құндылықтар мен киелі кесенелерді дәріптеу)

2022 жылдың 6 қазанда Шымкент қалалық көзі көрмейтін және әлсіз көретін азаматтарға арналған арнайы кітапханада «Әр жүректе үміт шамы сөнбесін» атты сауықтыру айлығы аясында арнайы кітапхана оқырмандары Шымкент қаласында орналасқан Салт-дәстүр және әдеп-ғұрып орталығына саяхат жасады. Сапар барысында мұражайда орналасқан құнды жәдігер экспонаттармен танысып мол мағлұматпен сусындады. Бабадан қалған асыл мұраларды тау арқылы өткен ғасырдың баға жетпес қазыналарынан орасан ой түйді. Сапарды Бәйдібек би ескерткішіне жалғап баба ескерткішінің алдында тұлғаның тарихымен танысып, өмірдерегіне көз жүгіртіп, ескерткіш алдында орналасқан өңірімізде орналасқан киелі кесенелердің кіші қалыпты мүсіндерін қолдарымен ұстап көріп, көптеген кесенелердің тарихымен танысып, естелік суретке түсіп сапарды аяқтады. Аталған сапар барысында білікті мамандар гид болып кеңінен мәлімет таратты.