2017 жылдың 8 ақпан күні сағат 11-00-де облыстық арнайы  көзі көрмейтін және әлсіз көретін азаматтарға арналған кітапханада  Елбасының халыққа арналған «Қазақстанның Үшінші жаңғыруы: жаһандық бәсекеге қабілеттілік» атты Жолдауына арналған «Послание – переход на новый этап социального развития страны» атты іс-шара өтті. Бұл іс-шараға М.Сапарбаев атындағы жоғарғы оқу орнынан саясаттанушы, әлеуметтанушы, тарих кафедрасының аға оқытушысы - Бейсекова Райхан Тузельбаевна шақырылды. Іс-шараға зағип оқырмандар, олардың отбасылары, кітапхана ұжымы қатысты.

Облыстық арнайы көзі көрмейтін және әлсіз көретін азаматтарға арналған кітапхананың тифлобөлімінде зағип ақын, жазушы З. Шүкіровтың 90 жылдығына арналған «Көнбеймін, дүние, бұл күйге» атты шығармашылық кеші өтті. Оқырмандар назарына ақынның өмірі мен шығармашылығы жайлы қызықты деректер, естеліктер, әндері ұсынылды. Көрме ұйымдастырылып, көрме сөрелеріне БНШ (бедерлі-нүктелі), ЖБШ(жазық-баспалы) және «сөйлейтін» әдебиеттер қойылды

2017 жылдың  25-ші қаңтарында арнайы кітапханада  халық әншісі Роза Бағланованың   95 жасқа толуына байланысты «Ғасыр даусы» атты іс-шара өткізілді. Іс-шараға келген оқырмандар, қонақтар қазақ халық әншісінің өмірбаяны мен еңбектері және әндерімен танысты. Іс-шараға I-ші топ көз мүгедектері және  кітапхана әкімшілігі қатысты.

2017 жылдың 11 қаңтарында Оңтүстік Қазақстан облыстық арнайы көзі көрмейтін және әлсіз көретін азаматтарға арналған кітапханасында жас автор, осы кітапхананың тифлология бөлімінің тифлоредакторы Ербек Бакиевтің жаңадан шыққан «Өмірге ғашық жүректер» атты кітабының тұсаукесері өтті. Іс-шараға 1 топ көз мүгедектері, кітапхана әкімшілігі және автордың өзі қатысты.

ОҚО арнайы көзі көрмейтін және әлсіз көретін азаматтарға арналған кітапханада 7 желтоқсан 2016 жылы 25 жылдыққа 25 жұлдызды күн аясында «Діни экстремизм және терроризмге қарсы күрес» атты ауқымды іс-шара болып өтті. Шараның басты мақсаты кітапхана оқырмандарына экстремизм және террорлық әрекеттердің халық өміріне қауіптілігін түсіндіру болып табылады. Шараға Ислам жолы мешітінің найыб имамы Ыбырайымов Ерсейіт және Еңбекші ішкі істер бөлімінен Батырханов Бағлан Көпжасарұлы болды.