Шымкент қалалық көзі көрмейтін және әлсіз көретін азаматтарға арналған арнайы кітапханада сәрсенбінің кезекті іс-шарасы зағип инженер-құрылымдаушы, өнертапқыш М.Марголиннің 115 жылдығына арналды. Аталған іс-шараны кітапхана қызметкері Г.Қырықбаева жүргізіп оқырмандарға орасан ақпарат берді.

13 қаңтар 2021жылы Шымкент қалалық көзі көрмейтін және әлсіз көретін азаматтарға арналған арнайы кітапханасында халық композиторы, домбырашы Дина Нұрпейісованың 160 жылдығына орай «Домбырашы қыз» атты іс-шара болып өтті. Іс-шараға көз мүгедектері қатысты.

9.12.2020 жылы Шымкент қалалық көзі көрмейтін және әлсіз көретін азаматтарға арналған арнайы кітапханада еліміздің ұлы мерекесі Тәуелсіздіктің 29 жылдығына арналған «Желтоқсанда - мұзда жанған алауым, желбіретті тәуелсіздік жалауын» атты мерекелік іс-шара болып өтті. Іс-шараны кітапхана директоры Нұрманбетов Бәкір Әбдіұлы мен Қазақ соқырлар қоғамының қалалық филиалының төрағасы Алтынбеков Нұрғали Әмірбекұлы ашып беріп, мерекемен құттықтап, жылы лебіздерін білдірді. Іс-шараға арнайы келген талантты әнші, 2015 жылғы «Х Фактор» жобасының жеңімпазы Астана Қарғабай әсем әндерімен көрермендерге керемет көңіл күй сыйлап, көпшіліктің ыстық ықыласына бөленді. Нұрмағамбет Аруа мен кітапхана қызметкері, ақын Ербек Бакиев Тәуелсіздікке арналған жырларын оқыды. Іс-шара соңында арнайы кітапхана атынан кеш қонағы талантты әнші Астана Қарғабайға арнайы алғыс хаттар табысталды.

Ұлы даланың ұлы мерекесі, бақ-берекенің бастауы, тағылымы мен тартуы мол Тәуелсіздік күні баршамызға құтты болсын!

«Әр жүректе үміт шамы сөнбесін!» Халықаралық зағиптар күні қарсаңында Шымкент қалалық көзі көрмейтін және әлсіз көретін азаматтарға арналған арнайы кітапхананың ұйымдастыруымен «Шарықта, шалқар шабытым» жобасы аясында Шымкент қаласы және Түркістан облысының зағип оқырмандары арасында әйгілі композитор, қазақ вальсінің королі Ш. Қалдаяқовтың 90 жылдығына арналған

«Ән аға – Шәмші аға» атты өңірлік өнер байқауы өтті. Іріктеу кезеңі онлайн форматта 2020 жылдың 25 қыркүйек -25 қазан аралығында өткен болатын. Байқауға қатысқан жалпы 37 үміткерлер арасынан шешуші кезеңге жолдама алған 7 үміткер қорытынды кезеңде сайысқа түсті.Үміткерлер Шәмшінің әндерін табиғи дауыста эстрада жанрында, түрлі аспаптарда орындады. Қорытынды кезең офлайн режимінде, санитарлық тәртіптер сақтала отырып өтті. Жеңімпаздар арнайы дипломдар және сертификаттармен марапатталды

Байқау нәтижелері:

3 орын – Нұрқожаев Тоқтамыс. Түлкібас ауданы

3 орын – Әйтек Зәуре. Ордабасы ауданы.

3 орын – Дәужігіт Мейірбек. Мақтарал ауданы.

2 орын – Дәмен Дәулет. Созақ ауданы.

2 орын – Валиев Заргар. Төлеби ауданы.

1 орын – Басымбек Ақмарал. Шымкент қаласы.

Бас жүлде – Жанпейсов Мақсат. Шымкент қаласы.