БІЛІМДІЛЕР БӘЙГЕСІ!

Бүгін Шымкент қалалық Арнайы кітапхананың Брайль залында «Көңілдерде шаттық күйі шалқысын» атты сауықтыру айлығы аясында  интеллектуалды «Білімділер бәйгесі» сайысы өтті!

Кітапхана оқырмандары мен қызметкерлері бірлесе қатысып, 8 түрлі кезеңде білім мен тапқырлықтарын сынады.

Тарих, әдебиет, мәдениет, спорт — бәрі де қамтылды!

«Мықтылар», «Астана», «Жеңіс», «Сәт» топтары өзара бақ сынап, «Мықтылар» тобы ерекше өнер көрсетіп, жеңімпаз атанды!

Жеңімпаздар 12 қараша күні өтетін қорытынды кеште марапатталмақ.

Көрермендер де өз фавориттерін қолдап, сайыс қыза түсті

Білім мен көңіл қатар ұштасқан бұл шара алдағы уақытта да жалғасын табады!

ЕРЕКШЕ ЖАСТАР АРАСЫНДА ШАХМАТ ЖӘНЕ ТОҒЫЗҚҰМАЛАҚ ТУРНИРІ

11 қыркүйек күні Арнайы кітапханада Қазақстан Республикасының мүгедектігі бар адамдар арасында тоғызқұмалақ пен шахматтан Шымкент қаласының № 19 мүгедектігі бар адамдарға арналған спорт мектебінің 14 пен 35 жас аралығындағы ашық біріншілігі болып өтті. Жарысты № 19 мүгедектігі бар адамдарға арналған спорт мектебімен Жастар орталығы бірлесіп ұйымдастырды. Шахматтан І-орын Нұрақ Бақытжан, ІІ-орын Әріп Сүндет, ІІІ-орын Кудратов Ғұламжан.

Тоғызқұмалақтан І-орын Ергешбай Қайсар, ІІ-орын Айтбаева Айсұлу, ІІІ-орын Қаражаш Еркебұлан иеленді. Турнирге қатысушылар жарысты өткізуге мүмкіндік берген ұйымдастырушыларға алғыстарын білдірді. Бұл турнир мүгедектігі бар жастардың спорттық жетістіктерін көрсетуге, қоғамда оң пікір қалыптастыруға және инклюзивтілікке бағытталған маңызды қадам болды.

11.09.2025

”ТАБИҒАТТЫҢ СЫРЛАРЫ”: Экологиялық Квест. Табиғатпен танысу үшін ұйымдастырылған қызықты квест

Бүгін Шымкент қалалық көзі көрмейтін және әлсіз көретін азаматтарға арналған арнайы кітапханасының балалар залында “Табиғат сырлары”: Экологиялық Квест. Табиғатпен танысу үшін ұйымдастырылған қызықты квест болып өтті. Аталған шараға кітапханамыздың тұрақты оқырмандары, қаламыздағы “Нұр” мектебінің 4а сынып оқушылары келіп қатысты. Балаларға табиғаттың түрлі ғажайып құбылыстары туралы сыр шертілді, табиғаттың адам баласына берер сыйы мол екені насихатталды.

Туған жер табиғатын аялау, келер ұрпаққа мирас етіп қалдыру, қазынамыз, байлығымыз саналған табиғатты сүюге, оны қорғап, қастерлеп сақтай білу, табиғат байлығын қорғау және оны тиімді пайдалану керек екені түсіндірілді. Сонымен қатар балалар видеоролик көріп, табиғаттың суретін салып, өз пікірлерін айтып, қызықты ойын ойнады. Кеш соңында балаларға тәттілер үлестіріліп, кішкентай оқырмандарымыз көңілді тарады.

CREATIVE HUB: ART-FESTIVAL

Мүсіндеу, сурет салу, музыкалық аспаптарда ойнау арқылы шығармашылық қабілеттерін дамыту

22 тамыз күні Шымкент қалалық көзі көрмейтін және әлсіз көретін азаматтарға арналған арнайы кітапхананың балалар залында «Бәрін білгім келеді» атты іс-шара болып өтті. Шараға қаламыздағы «Жанар» балабақшасының даярлық тобының бүлдіршіндері келіп қатысты. Аталған шарада балалар екі топқа бөлініп қызықты ойындар ойнап, белсене қатысты. Басқатырғыштар мен пішіндерді орналастырып, үйлестірді. Мектепке дейінгі балалардың жан-жақты дамуы үшін ойынның орны ерекше. Бала ойын арқылы қоршаған ортаның сырын ұғып, еңбек, білім дағдысына үйренеді.

Ойындар балалардың әлеуметтік дағдыларын нығайтады. Шараның барысында балалар тақпақ айтып, ән салып кештің шырайын аша түсті. Балаларға базарлық үлестіріліп, кішкентай оқырмандарымыз көңілді тарасты.

13.08.2025

«ҰЛЫ ТҰЛҒА, ҰЛЫ АБАЙ, ҰЛЫ АҚЫН»

Ақын Абай Құнанбайұлының туғанына 180 жыл

Шымкент қалалық көзі көрмейтін және әлсіз көретін азаматтарға арналған арнайы кітапханада 13 тамыз күні Ұлы ақын Абай Құнанбайұлының 180 жылдығына орай «Ұлы тұлға, Ұлы Абай, Ұлы ақын» атты іс-шара болып өтті. Семей қаласында өткен «Жеті қазына» мәдениет-спорт-туризм фестиваліне қатысып «Қыз жібек бейнесі» номинациясын иеленген әріптесіміз Г. Каттабекова өз ойларымен бөлісіп, кітапхана оқырмандарына бала Абайдан Дана Абайға атты бейнематериалын оқырмандарымызға тифлобаяндап берді. Г. Каттабекова «Қыз Жібек» бейнесі номинациясымен марапатталып, қаржылай сыйлыққа ие болды. Кітапхана оқырмандарына Абай өмірінен викториналық сұрақтар қойылып, жауап берген жандарға Семей өңірінен арнайы алып келген Абай сөзімен жазылған білезіктер табысталды. Өлеңдер оқылып, жырдан шашу шашты.

«Аманат» партиясынан арнайы келген кеш қонақтары белсенді оқырмандарымызға алғыс хаттарымен марапаттады.

«Адамзаттың бәрін сүй, бауырым деп..» жырлаған адамзат ақыл ойының асқаралы тұлғасы Абай бабамызды ұлықтадық. Бұл аруақтың ризашылығы үшін, баба рухына құрмет үшін жасалған, ұрпаққа өнеге болар игі іс.